રાજપીપલા જૂની સિવિલ હોસ્પિટલમાં ચોરીની ઘટના બનતા પોલીસ ચોપડે ફરિયાદ નોંધાઇ

રાજપીપલા જૂની સિવિલ હોસ્પિટલમાં ચોરીની ઘટના બનતા પોલીસ ચોપડે ફરિયાદ નોંધાઇ

અજાણ્યા ચોરો ઓક્સિજનની પાઇપો, કોમ્પ્યુટર સહિતની વસ્તુઓ ચોરી ગયા

રાજપીપળા: જુનેદ ખત્રી

રાજપીપળાની જૂની સિવિલ હોસ્પિટલમાં ચોરીની ઘટના સામે આવી છે અજાણ્યા ચોરો રાત્રિના સમયે હાથ સાફ કરી જતા પોલીસ મથકમા ફરિયાદ નોંધાઇ છે

રાજપીપલા જૂની સિવિલ હોસ્પિટલ ( હેલ્થ એન્ડ વેલનેસ સેન્ટર ) ના મુખ્ય પ્રવેશ દ્વારની જમણી બાજુ આવેલ જાળી તેમજ દરવાજાને મારેલ તાળુ નકુચા સાથે તોડી નાખી અંદર પ્રવેશ કરી ઓક્સિજન સપ્લાય તાંબાની પાઇપો, સીસીટીવી કેમેરો નંગ-૧, કોમ્પ્યુટર સી.પી.યુ સાથેનો સેટ નંગ-૦૧ યુ.પી.એસ પાવર સેવર, ઇન્ટરનેટ કનેકટીવીટી રાઉટર મળી જે કુલ રૂ.૬૦૫૦૦/- ની કોઈ ચોર ઇસમ ચોરી કરી જતા રાજપીપળા પોલીસ મથકમાં ફરિયાદ નોંધાઈ છે પોલીસે ફરિયાદ આધારે તપાસ હાથ ધરી છે