, સ્ટેચ્યુ ઓફ યુનિટી, એકતા નગર.
રિપોર્ટ -અનીશ ખાન બલુચી
*બોલીવુડના પ્રખ્યાત ગાયક શ્રી જુબિન નૌટિયાલ સ્ટેચ્યુ ઓફ યુનિટીની મુલાકાતે, વિશ્વની સૌથી ઊંચી પ્રતિમા જોઇને થયા મંત્રમુગ્ધ.*
એકતા નગર, 23 નવેમ્બર 2023: પ્રખ્યાત બોલીવુડ ગાયક શ્રી જુબિન નૌટિયાલે આજે વિશ્વની સૌથી ઊંચી પ્રતિમા સ્ટેચ્યુ ઓફ યુનિટીની મુલાકાત લીધી હતી. આ દરમિયાન તે સરદાર પટેલની 182 ફૂટ ઊંચી પ્રતિમા જોઈને મંત્રમુગ્ધ થયા હતા.
પ્રતિમાની મુલાકાત લઈને તેણે સરદાર સાહેબના જીવન વિશે બારીકાઈથી જાણકારી મેળવી હતી. લોખંડી પુરૂષ સરદાર વલ્લભભાઇ પટેલની 182 મીટર ઉંચી પ્રતિમા જોઇ શ્રી જુબિન નૌટિયાલ અત્યંત ભાવવિભોર થયા હતા.
સ્ટેચ્યુ ઓફ યુનિટી નિહાળ્યા બાદ શ્રી જુબિન નૌટિયાલે ગર્વની લાગણી અનુભવી હતી. શ્રી જુબિન નૌટિયાલે પોતાના પ્રતિભાવમાં જણાવ્યું હતું કે,લોખંડી પુરૂષ સરદાર પટેલની આ પ્રતિમાં સમગ્ર ભારત દેશનું ગૌરવ છે અને મને ગર્વ છે કે આજે આ મહાન પ્રતિભાને પ્રણામ કરવાનો મને મોકો મળ્યો. મને ગુજરાતથી ખુબ પ્રેમ અને આદર-સમ્માન મળ્યું છે. હું ગુજરાતના લોકો, અને સ્ટેચ્યુ ઓફ યુનિટી ઓથોરિટીનો આભાર માનું છું.મને જ્યારે પણ મોકો મળશે ત્યારે જરૂર અહીં ફરીથી મુલાકાત લઇશ.
સ્ટેચ્યુ ઓફ યુનિટીની મુલાકાત દરમિયાન શ્રી જુબિન નૌટિયાલે એક બાળકની ઈચ્છા પણ પૂરી કરી હતી . શ્રી જુબીન નૌટિયાલ પરત ફરવા કારમાં બેસી ગયા હતા , તે દરમિયાન મોરબીથી આવેલા બાળ પ્રવાસી શ્રી ઉજ્જવલ આચાર્યએ શ્રી જુબીન નૌટિયાલને ફોટો પડાવવા વિનંતી કરી હતી.નાના બાળકની લાગણીને માન આપીને શ્રી જુબીન નૌટિયાલે કારમાંથી ઉતરી બાળક સાથે ફોટો પડાવ્યો હતો . નાના બાળકનો પરિવાર પણ આ ઘટનાથી ખુશ થયો હતો અને કહ્યું હતું કે સ્ટેચ્યુ ઓફ યુનિટીની અમારી મુલાકાત સફળ રહી, આ મુલાકાત અમને આજીવન યાદ રહેશે.
આ દરમિયાન સ્ટેચ્યુ ઓફ યુનિટી વિસ્તાર વિકાસ અને પ્રવાસન નિયમન સતામંડળના નાયબ કલેક્ટર શ્રી શિવમ બારીયા ઉપસ્થિત રહ્યા હતા. નાયબ કલેક્ટર શ્રી શિવમ બારીયાએ કોફી ટેબલ બૂક અને મોમેન્ટો આપીને તેમનું સ્વાગત કર્યું હતું. આ દરમિયાન સ્ટેચ્યુ ઓફ યુનિટી ના જનસંપર્ક અધિકારી શ્રી રાહુલ પટેલ અને ગાઈડ શ્રી ઝુબિન ગમીરે સ્ટેચ્યુ ઓફ યુનિટીની વિશેષતાઓથી વાકેફ કર્યા હતા.
ઉલ્લેખનીય છે કે વિશ્વની સૌથી ઊંચી સરદાર વલ્લભભાઇ પટેલની પ્રતિમા, સ્ટેચ્યુ ઓફ યુનિટી બન્યા બાદ તે દેશ-દુનિયામાં પ્રવાસીઓના આકર્ષણનું કેન્દ્ર બની છે. બોલવુડ સ્ટારથી લઇ અનેક મોટી હસ્તીઓ સ્ટેચ્યુ ઓફ યુનિટીની મુલાકાતે આવતી હોય છે. ત્યારે સ્ટેચ્યુ ઓફ યુનિટી માત્ર ગુજરાતનું જ નહીં પરંતુ સમગ્ર ભારતનું ગમતું પ્રવાસન સ્થળ બની રહ્યું છે.
