અરવલ્લી જિલ્લામાં “આંતરરાસ્ટ્રીય મહિલા દિવસની” ઉજવણી કરવામાં આવી : નારી તું નારાયણી,નારી ગુણનો ભંડાર નારીથી નર નિપજ્યા, ધ્રુવ પ્રહલાદ પ્રમાણ
અહેવાલ
અરવલ્લી :હિતેન્દ્ર પટેલ
અરવલ્લી જિલ્લામાં “આંતરરાસ્ટ્રીય મહિલા દિવસની” ઉજવણી કરવામાં આવી : નારી તું નારાયણી,નારી ગુણનો ભંડાર નારીથી નર નિપજ્યા, ધ્રુવ પ્રહલાદ પ્રમાણ
વિશ્વભરમાં દર વર્ષે 8 માર્ચે મહિલા દિવસ ઉજવવામાં આવે છે. મહિલાઓની સામાજિક, આર્થિક, સાંસ્કૃતિક અને રાજકીય સિદ્ધિઓની ઉજવણી કરવા માટે આંતરરાષ્ટ્રીય મહિલા દિવસ તરીકે ઉજવવામાં આવે છે. જે અંતગર્ત આજે અરવલ્લીના મોડાસા ખાતે આંતરરાસ્ટ્રીય મહિલા દિવસની ઉજવણી કરવામાં આવી હતી.
આ કાર્યક્રમમાં મંત્રીએ સમાજમાં પરિવારમાં મહિલાનું મહત્વ સમજાવતાં જણાવ્યું કે “આજે દરેક ક્ષેત્રે મહિલા ખુબજ ઉમદા પ્રતિનિધિત્વ કરી રહી છે. જેનું ઉત્તમ ઉદાહરણ આપણો અરવલ્લી જિલ્લાનું પ્રતિનિધિત્વ બખુભી નિભાવી રહેલી દરેક ઉચ્ચ હોદ્દા ઉપર બિરાજતી મહિલાઓ છે.જેમાં જિલ્લા કલેક્ટર,જિલ્લા પોલીસ વડા,જિલ્લા પ્રમુખ,મહિલા અને બાળ વિભાગના અધિકારી,જિલ્લા શિક્ષણાઅધિકારી,તેમજ અન્ય મુખ્ય કચેરીઓના વડાઓના હોદ્દાઓ ઉપર આજે જિલ્લામાં મહિલાઓ વહિવટી જવાબદારીઓ નિભાવી રહી છે.અને મહિલા નેતૃત્વનું ઉમદા ઉદાહરણ પૂરું પાડી રહી છે. આજે સરકાર દ્વારા અનેક આયોજન અને યોજનાઓથકી મહિલાઓને શસકત અને આત્મનિર્ભર બનાવવા પ્રયત્નો થઈ રહ્યા છે.આજે મારી સામે બેસેલી મોટું સંખ્યામાં મહિલાઓ ઉપસ્થિત છે જેના થકી જિલ્લાની અને રાજ્યની તેમજ દેશની મહિલા શક્તિનું પ્રતિનિધિત્વ દરેક મહિલા કરી રહી છે. દરેક ને મહિલા દિવસની શુભકામનાઓ આપું છું.”
આ કાર્યક્રમમાં જિલ્લા પંચાયત પ્રમુખ પ્રિયંકાબેન ડામોર,જિલ્લા પોલીસ વડા શૈફાલી બરવાલ,જિલ્લા વિકાસ અધિકારી દીપેશ કેડિયા,નિવાસી અધિક કલેક્ટર જશવંત જેગોડા,DRDA ડાયરેક્ટર આર.એન.કુચાર,મહિલા અને બાળ વિભાગના અધિકારી હસીના મન્સૂરી,અન્ય જિલ્લામાં પદાધિકારીઓ તેમજ વિભાગના અધિકારીઓ અને ખુબજ મોટી સંખ્યામાં મહિલાઓ ઉપસ્થિત રહી હતી.
