નારણ ગોહિલ લાખણી
સ્ટેટ મોનીટરીંગ સેલ પોલીસ ટીમનો સપાટો…
લાખણીના ધુણસોલ ચાર રસ્તા પાસે વિદેશી દારૂ ભરેલી કાર ઝડપાઈ
કુલ રૂ.17,83,500 ના મુદ્દામાલ સાથે બેની અટકાયત
લાખણી
સ્ટેટ મોનીટરીંગ સેલની ટીમે લાખણી તાલુકાના ધુણસોલ ચાર રસ્તા પાસે આકસ્મિક દરોડો પાડી વિદેશી દારૂ ભરેલી ફોર્ચ્યુનર કાર સાથે બે આરોપીની અટકાયત કરી હતી.
રાજસ્થાનને અડીને આવેલા ધાનેરા- ધુણસોલ રોડ ઉપર સ્ટેટ મોનીટરીંગ સેલની ટીમના પીએસઆઈ જે.ડી. બારોટ, પરસોત્તમભાઈ, અનિલભાઈ વગેરે ટીમને મળેલ બાતમી આધારે વોચ ગોઠવી હતી.તે દરમિયાન આવેલી ફોર્ચ્યુનર કાર (નં. જીજે18 બીબી4944) ને રોકાવી તલાસી લેતા તેમાંથી વિદેશી દારૂ અને બિયર ટીનની 2755 બોટલ (કી. રૂ
2,78,500) મળી આવી હતી.તેથી ટીમે કુલ રૂ.17,83,500 ના મુદ્દામાલ સાથે વિસાભાઈ મોનાભાઈ સોલંકી (રહે.જેતડા તા.થરાદ) અને કિરણ પ્રતાપભાઈ ઠાકોર (રહે.પેપરાલ તા.થરાદ) ની અટકાયત કરી હતી.અને તેમની સાથે દારૂનો જથ્થો મંગાવનાર ઉકાભાઈ હરજીભાઈ રાજપૂત (રહે.જેતડા તા.થરાદ), દારૂની મુખ્ય લાઈન ચલાવનાર પીરાભાઈ પરખાભાઈ રબારી (રહે. પાચલા- રાજસ્થાન),દારૂ ગાડીમાં ભરી આપનાર સુરેશ (રાજસ્થાન) અને ફોર્ચ્યુનર કારના માલિક વિરુદ્ધ પ્રોહીબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
