આસીફ શેખ લુણાવાડા
હાજી જી. યુ. પટેલ હાઈસ્કૂલ, લુણાવાડા.
શાળામાં ભારતની સિદ્ધિની અનોખી ઉજવણી”
તા.23.08.2023 ના રોજ ભારતના ઈતિહાસમાં એક અભૂતપૂર્વ ઘટના બની હતી. ભારતે અંતરિક્ષ ક્ષેત્રે અનોખી સિદ્ધિ મેળવી સમગ્ર વિશ્વમાં પોતાનો ડંકો વગાડ્યો છે. *ચંદ્રયાન – 3 સફળતાપૂર્વક ચંદ્ર ધરતી પર ઉતરાણ કરી અનન્ય સફળતા મેળવીને વિશ્વ ફલક પર પોતાની વૈજ્ઞાનિક શક્તિનો પરચો બતાવ્યો છે.
આ ઘટનાથી સમગ્ર ભારતના નાગરિકો ગૌરવ અનુભવે છે અને ભારત આ રીતે સતત તમામ ક્ષેત્રે સિદ્ધિઓ મેળવે તે માટે અંતઃકરણથી ઈચ્છા રાખે છે.
શાળાના વિદ્યાર્થીઓ આ મહત્વની ઘટનાને સમજે અને ગૌરવ અનુભવે તેમજ ભવિષ્યમાં વૈજ્ઞાનિક બની દેશ માટે સેવા આપે તે હેતુસર પ્રાર્થનામાં શાળાના આચાર્ય દ્વારા આ ઘટના અને તેના મહત્વને સમજાવ્યું હતું સાથે સાથે આ સિદ્ધિ મેળવી તેની ખુશીમાં શાળા દ્વારા તમામ વિદ્યાર્થીઓને ચોકલેટનું વિતરણ કરવામાં આવ્યું હતું.
