વાત્સલ્યમ સમાચાર
મદન વૈષ્ણવ- ડાંગ 
ડાંગ જિલ્લાના દુર્ગમ અંતરિયાળ વિસ્તારમાં ભ્રમણ કરી રહેલી ‘વિકસિત ભારત સંકલ્પ યાત્રા’ સાથે જે તે ગામોમાં કાર્યક્રમના સ્થળે જુદા જુદા વિભાગોના પ્રદર્શન સ્ટોલ્સનું પણ આયોજન કરવામાં આવી રહ્યું છે. <span;>અત્યાર સુધી આ યાત્રામાં ૧૬ હજાર ૮૯૮ થી વધુ ગ્રામજનોએ ઉત્સાહપૂર્વક ભાગ લીધો છે. <span;>દરમિયાન ‘માય ભારત’ અંતર્ગત ૩૧૮ થી વધુ સ્વયં સેવકોની નોંધણી, ઉપરાંત ૩૭૩ થી વધુ મહિલાઓ, વિદ્યાર્થીઓ અને રમતવીરોનું સન્માન, તમામે તમામ ૬૪ સ્થળોએ ડ્રોન નિદર્શન, અને ૧૯૨ થી વધુ લાભાર્થીઓએ ‘મેરી કહાની, મેરી જુબાની’ અંતર્ગત પોતાની સફળતા વર્ણવી હતી. સાથે સાથે યાત્રાના તમામ ગામોમાં સોઇલ હેલ્થ કાર્ડ નિદર્શન, અને જૈવિક ખેતી કરતા ખેડૂતો સાથે વાર્તાલાપના કાર્યક્રમો પણ યોજાયા હતા.
ઉલ્લેખનીય છે કે, ગુજરાતના છેવાડે મહારાષ્ટ્ર રાજ્યની સરહદને અડીને આવેલા ડાંગ જિલ્લામાં કેન્દ્ર પુરસ્કૃત શ્રેણીબદ્ધ યોજનાઓનું સફળ અમલીકરણ થઈ રહ્યું છે. જેનો લાભ લઈ પાત્રતા ધરાવતા લાભાર્થીઓ પોતાનો આર્થિક અને સામાજિક ઉત્કર્ષ સાધી રહ્યા છે.
દરમિયાન આ યાત્રા સાથે ૬૪ જેટલા વિશેષ આરોગ્ય કેમ્પ આયોજિત કરાયા છે. જેનો લાભ ૭ હજાર ૪૩૬ થી વધુ લોકોએ લીધો છે. જે પૈકી ૩ હજાર ૨૨૪ થી વધુ ગ્રામજનોનું ટી.બી.સ્ક્રિનિંગ, અને ૧ હજાર ૨૮૮ થી વધુ લોકોનું સિકલસેલનું સ્ક્રિનિંગ કરવામાં આવ્યું છે. તો ૧ હજાર ૮૨૩ થી વધુ લાભાર્થીઓને PM JAY કાર્ડ વિતરિત કરવા સાથે, અન્ય પાત્રતા ધરાવતા ૧ હજાર ૬૫૦ જેટલા વિવિધ આરોગ્યલક્ષી યોજનાઓના લાભાર્થીઓની નોંધણી પણ કરવામાં આવી છે.
આ ઉપરાંત ડાંગ જિલ્લાની ‘વિકસિત ભારત સંકલ્પ યાત્રા’ સાથે ‘પશુ સારવાર કેમ્પ’ પણ યોજાઈ રહ્યા છે. આજદિન સુધી ડાંગ જિલ્લામાં આવા ૬૪ થી વધુ પશુ સારવાર કેમ્પ સફળતાપૂર્વક યોજાઈ ચુક્યા છે. જેનાથી ૧૬૭૦ થી વધુ પશુપાલકોના ૩૪૫૦ જેટલા પશુઓને સ્થળ ઉપર જ લાભન્વિત કરાયા છે. પશુઓની સારવાર સાથે તેમનું રસીકરણ, ખસિકરણ, અને યોજનાકીય લાભોનું વિતરણ તથા પાત્રતા ધરાવતા લાભાર્થીઓની નોંધણી પણ હાથ ધરવામાં આવી છે.
યાત્રા સાથે જિલ્લા ગ્રામ વિકાસ એજન્સી દ્વારા વ્યાપક જનજાગૃતિ કેળવવાના ભાગરૂપે ‘ભવાઈ’ ના સાંસ્કૃતિક કાર્યક્રમો પણ આયોજિત કરવામાં આવ્યા છે. આજદિન સુધી આ યાત્રા સાથે કુલ ૬૪ થી વધુ કાર્યક્રમો યોજાઈ ચુક્યા છે. આ કાર્યક્રમોના માધ્યમથી ગ્રામીણ પ્રજાજનોને ‘સ્વચ્છતા હી સેવા’ નો સંદેશ પાઠવવામાં આવી રહ્યો છે.
આઝાદીના ૭પ વર્ષમા ભારત કયાં પહોચ્યુ, અને આવનારા રપ વર્ષમા ભારતને “વિશ્વગુરૂ” બનાવવાના લક્ષ્ય સાથે દેશની આઝાદીની શતાબ્દી ઉજવણીની પીઠીકા પણ વડાપ્રધાન શ્રી નરેન્દ્રભાઈ મોદીની સરકારે તૈયાર કરી છે. ત્યારે આઝાદીના અમૃત મહોત્સવ’ની પૂર્ણાહુતિ સાથે દેશમાં ‘મારી માટી, મારો દેશ’ અને ‘વિરો ને વંદન, ધરતી ને નમન’ તથા ‘હર ઘર તિરંગા’ ના શ્રેણીબદ્ધ કાર્યક્રમો પણ સફળતા પૂર્વક દેશ આખામાં ઉજવાયા છે. ડાંગ જિલ્લામાં પણ તમામે તમામ સો પંચાયતોમાં, આવા તમામ કાર્યક્રમોની ઉત્સાહભેર ઉજવણી કરવામાં આવી હતી.
આઝાદી માટે વિતાવેલા ૭૫ વર્ષ અને આઝાદીની જંગ, આપણને પ્રેરણા પૂરી પાડી રહી છે. ત્યારે ‘આઝાદીની શતાબ્દી’ માટે ૭૫ વર્ષનુ પર્વ એ દિશામા મજબૂતી સાથે આગળ ધપવા, આપણા સૌ માટે એક દિશાદર્શક બની રહેશે, પ્રેરક બની રહેશે. તથા પુરૂષાર્થની ભાવના જગાડનારૂ બની રહેશે.
આ ઐતિહાસિક પર્વ માટે દેશે રૂપરેખા તૈયાર કરી છે, અને તેને વધુ સમૃધ્ધ બનાવવાની દિશામા તેનો પ્રારંભ પણ થયો છે. સમય જતા આ તમામ યોજનાઓ વધુ ધારદાર બનશે, વધુ અસરકારક બનશે, અને પ્રેરણાદાયક તો હશે જ. કે જેના કારણે આપણી વર્તમાન પેઢી, કે જેમને દેશ માટે ફના થવાનો મોકો નથી મળ્યો, તે પેઢીમા પણ આવી ભાવના પ્રબળ થાય, તો આપણે વર્ષ ૨૦૪૭ મા, દેશની આઝાદીના જ્યારે ૧૦૦ વર્ષ પૂરા થશે ત્યારે, દેશને જ્યાં લઈ જવા માંગીએ છીએ, તે સપના પૂરા કરવા માટે સમગ્ર દેશ આગળ આવશે.
દેશમા થઈ રહેલા નવા નવા નિર્ણયો, નવી નવી વિચારધારા, આત્મનિર્ભર ભારત જેવા સંકલ્પ, સાંસ્કૃતિક ધરોહરોનો જીર્ણોદ્ધાર, G20 ની યજમાની, ચંદ્રયાન-૩, આવા પ્રયાસોનુ જ સાકાર રૂપ છે.
પ્રધાનમંત્રીશ્રીના સને ૨૦૪૭ના વિકસિત ભારતના લક્ષ્યની પૂર્તિ માટે, ડાંગ જિલ્લા વહીવટી તંત્ર પુરી નિષ્ઠા અને પારદર્શિતા સાથે, ડાંગ જિલ્લાને પણ દરેક ક્ષેત્રે વિકસિત બનાવવા માટે સૌના સાથ, સૌના વિકાસ, સૌના વિશ્વાસ, સૌના પ્રયાસ, અને હવે સૌના સંકલ્પ સાથે આગળ વધી રહ્યું છે
જિલ્લા કલેકટર શ્રી મહેશ પટેલ, જિલ્લા વિકાસ અધિકારી શ્રી આર.એમ.ડામોર, VBSY ના જિલ્લાના નોડલ ઓફિસર શ્રી હિરલ પટેલ, તાલુકા કક્ષાના નોડલ ઓફિસરો સર્વશ્રી સુહાસ ગવાંદે, ડો. કલ્પના નાયર, અને પૂનમ ડામોર તથા તેમની ટિમ, ડાંગ જિલ્લામાં ‘વિકસિત ભારત સંકલ્પ યાત્રા’ ને આગળ વધાવી રહ્યા છે.
