વાત્સલ્યમ્ સમાચાર.
રિપોર્ટ :- રમેશ મહેશ્વરી-માંડવી કચ્છ.
ભુજ,તા-22મે : ભારત સરકારશ્રીના વસ્ત્ર મંત્રાલય દ્વારા સંચાલિત ધી ઇન્ડિયન ઇન્સ્ટીટયૂટ ઓફ હેન્ડલૂમ ટેકનોલોજી, જોધપુર(રાજસ્થાન) ખાતે જુલાઇ-૨૦૨૪થી શરૂ થતાં ત્રણ વર્ષના ડિપ્લોમાં ઇન હેન્ડલૂમ ટેકનોલોજી કોર્ષમાં પ્રવેશ મેળવવા ઇચ્છતા તથા માંગ્યા મુજબની લાયકાત ધરાવતા ઉમેદવારોએ અરજી પત્રકમાં જરૂરી પ્રમાણપત્રોની નકલો સાથે કમિશ્નર, કુટીર અને ગ્રામોદ્યોગ, બ્લોક નં.-૭/૨, ઉદ્યોગભવન, ઘ-૪, સેકટર-૧૧, ગાંધીનગરની કચેરીને તા.૧૦/૦૬/૨૦૨૪ સુધીમાં મળી જાય તે રીતે અરજી મોકલી આપવાની રહેશે. અરજી કરનાર ઉમેદવારો એ પોતાનો મોબાઇલ નંબર અવશ્ય લખવાનો રહેશે. www.cottage.gujarat.gov.in વેબસાઇટ ઉપરથી ફોર્મ તથા માહિતી ડાઉનલોડ કરી શકાશે. તેમ છતાં વધુ માહિતી માટે ૦૭૯૨૩૨૫૯૪૮૯ નંબર ઉપર સંપર્ક કરવાનો રહેશે.જરૂરી લાયકાતો:- (૧) ડીપ્લોમાં કોર્ષમાં પ્રથમ વર્ષમાં પ્રવેશ મેળવવા ઉમેદવારે ધોરણ-૧૦ અંગ્રેજી વિષય સાથે ૩૫% માર્ક્સ સાથે પાસ કરેલ હોવું જોઇએ. (૨) ડીપ્લોમાં કોર્ષમાં બીજા વર્ષમાં (એલ.ઇ.સીસ્ટમથી) પ્રવેશ મેળવવા માટે ઉમેદવારે ધોરણ-૧૨ મેથેમેટીક્સ, ફીઝીક્સ અને કેમેસ્ટ્રી વિષય સાથે પાસ અથવા કોઇ પણ ટેક્ષટાઇલ ડીસીપ્લીનનો વ્યવસાયિક પ્રવાહ સાથે ધોરણ-૧૨ પાસ અથવા ધોરણ-૧૦ પાસ સાથે ૨ વર્ષ આઇ.ટી.આઇ. નો કોર્ષ કરેલો હોવો જોઇએ. (૩) પ્રથમ વર્ષમાં પ્રવેશ મેળવવા માટે ઉમેદવાર (અનુ.જાતિ અને અનુ.જનજાતિ સિવાય) ની વય મર્યાદા તા.૦૧/૦૭/૨૦૨૪ના રોજ ૧૫ થી ૨૩ વર્ષ હોવી જોઇએ તથા અનુ.જાતિ અને અનુ.જનજાતિના ઉમેદવારો માટે ૧૫ થી ૨૫ વર્ષની હોવી જોઇએ. બીજા વર્ષમાં (એલ.ઇ.સીસ્ટમ થી) પ્રવેશ મેળવવા માટે ઉમેદવાર (અનુ.જાતિ અને અનુ.જનજાતિ સિવાય) ની મહત્તમ વય મર્યાદા ૨૫ વર્ષ હોવી જોઇએ તથા અનુ.જાતિ અને અનુ.જનજાતિના ઉમેદવારો માટે ૨૭ વર્ષની હોવી જોઇએ.ડોક્યુમેન્ટ:- (૧) એલ.સી., (૨) જાહેરાતમાં માંગેલ લાયકાત પ્રમાણેની માર્કશીટ, (૩) જાતિનું પ્રમાણપત્ર, (૪) EWS પ્રમાણપત્ર, (૫) Domicile પ્રમાણપત્ર. (S) Character પ્રમાણપત્ર, (૭) જન્મ પ્રમાણપત્ર. (૮) આધાર કાર્ડ (૯) રેશન કાર્ડ, આ ઉપરાંત આઇ.ટી.આઇ.ટી. જોધપુર, રાજસ્થાન દ્રારા ઉપરોક્ત ડિપ્લોમાં કોર્ષને લગતાં કોઇપણ ડોક્યુમેન્ટસ મંગાવવામાં આવે તો તે ઉમેદવારે રજૂ કરવાના રહેશે. વિગતો મેળવી શકાશે તેવું જનરલ મેનજરશ્રી, જિલ્લા ઉદ્યોગ કેન્દ્રની અખબારીયાદીમાં જણાવાયું છે.
