MORBI:મોરબીમાં કરોડોના રૂપિયાના દારૂ-બીયરના જથ્થાની સપ્લાય કરનાર મુખ્ય સુત્રધાર ઝડપાયો

MORBI:મોરબીમાં કરોડોના રૂપિયાના દારૂ-બીયરના જથ્થાની સપ્લાય કરનાર મુખ્ય સુત્રધાર ઝડપાયો

સ્ટેટ મોનીટરીંગ સેલની ટીમે લાલપર નજીક ગોડાઉનમાં રેડ કરી દોઢ કરોડથી વધુના દારૂના જથ્થા સહીત બે કરોડ વીસ લાખનો મુદામાલ જપ્ત કરી ૧૦ ઇસમોને ઝડપી લીધા હતા જે દારૂના જથ્થાની સપ્લાય કરનાર મુખ્ય સુત્રધાર ભરત મારવાડીને પોલીસે રાજસ્થાનથી ઝડપી લઈને કોર્ટમાં રજુ કરતા કોર્ટે ૧૦ દિવસના રિમાન્ડ મંજુર કર્યા છે

મોરબીના લાલપર ગામ નજીક છેલ્લા પાંચ મહિનાથી ગોડાઉન ભાડે રાખી અમદાવાદનો બુટલેગર જીમિત પટેલ રાજસ્થાનના બુટલેગર રાજારામ મારવાડી અને ભરત મારવાડી સાથે દારૂનો ધંધો કરતો હોય જ્યાં ગોડાઉન પર બાતમીને આધારે સ્ટેટ મોનીટરીંગ સેલની ટીમે રેડ કરી હતી અને ગોડાઉન મેનેજર અને શ્રમિકો સહીત ૧૦ આરોપીને ઝડપી લઈને દોઢ કરોડથી વધુનો દારૂના જથ્થા સહીત ૨.૨૦ કરોડનો મુદામાલ જપ્ત કર્યો હતો તેમજ દારૂનો જથ્થો મંગાવનાર જીમિત શંકરભાઈ પટેલ સહિતના ઈસમો વિરુદ્ધ મોરબી તાલુકા પોલીસ મથકમાં ગુનો નોંધવામાં આવ્યો હતો

જે ગુનામાં દારૂનો જથ્થો મંગાવનાર અમદાવાદના બુટલેગર અને તેના બે રાજસ્થાનના ભાગીદારના નામો ખુલતા પોલીસે તપાસના ચક્રો ગતિમાન કર્યા હતા અને પોલીસે ભરત મારવાડી એટલે કે ભરત ઉર્ફે વિજય જીવરાજ ઉડેચાને ઝડપી લીધો છે જે ઇસમ પંજાબ અને રાજ્સ્થાનથી દારૂનો જથ્થો મોકલતો હતો અને જીમિત પટેલના ગોડાઉનમાં સપ્લાય કરતો હતો જ્યાંથી માત્ર મોરબી જ નહિ પરંતુ ગુજરાતના અલગ અલગ જીલ્લામાં દારૂનં વેચાણ કરાતું હતું પોલીસે આરોપી ભરત મારવાડીને ઝડપી લઈને કોર્ટમાં રજુ કરતા ૧૦ દિવસના પોલીસ રિમાન્ડ મંજુર થયા છે