રીપોર્ટ : બિમલ માંકડ – પ્રતીક જોશી
ભુજ : નેહરુ યુવા કેન્દ્ર સંગઠન ભારતના તમામ જિલ્લાઓમાં ” માઈ ભારત-વિકસીત ભારત@2047 સ્પર્ધા”નું આયોજન કરી રહ્યું છે. આ કાર્યક્રમમાં સમગ્ર કચ્છમાંથી સ્પર્ધકોએ ભાગ લીધો હતો. શૈલ વિરેન્દ્ર પાલને પ્રથમ ઇનામ, સ્નલ રામભાઇ ગઢવીએ દ્વિતીય ઇનામ અને સિજુ ડિમ્પલે તૃતીય ઇનામ મેળવ્યું હતું. તમામ સહભાગીઓને સહભાગિતા પ્રમાણપત્ર એનાયત કરવામાં આવ્યા હતા અને વિજેતાઓને મોમેન્ટો અને પ્રમાણપત્રથી નવાજવામાં આવ્યા હતા. જ્યુરી શ. સંજયભાઈ ઠાકર, ભૂતપૂર્વ DIET હેડ, ભુજ, શ્રીમતી. રેશમાબેન ઝવેરી, આકાશવાણી ભુજ, ડો. એલ. બી. પરમાર, પ્રોફેસર, જે બી ઠાકર કોલેજે સ્પર્ધાને નિર્ણાયક આપી અને સ્પર્ધકોને તેમના શબ્દોથી પ્રોત્સાહિત કર્યા. મુખ્ય મહેમાન શ્રી. મૌલિક બારોટ, પ્રિન્સિપાલ જે બી ઠક્કર કોમર્સ કોલેજ દ્વારા યુવા સશક્તિકરણ અંગે યુવાનોને માર્ગદર્શન અને પ્રોત્સાહિત કર્યા હતા. સમગ્ર કાર્યક્રમનું સંચાલન શ્રીમતી રચના શર્મા, જિલ્લા યુવા અધિકારી, ન્યુહરુ યુવા કેન્દ્ર ભુજ દ્વારા કરવામાં આવ્યું હતું અને યુવાનોને પોતાનું અમૂલ્ય માર્ગદર્શન આપ્યું હતું. આ કાર્યક્રમમાં એમ.આઈ.બાયડ, બટુકભાઈ રાઠોડ, ભરતભાઈ રાઠોડ પણ ઉપસ્થિત રહ્યા હતા. પીએસઆઈ, શ્રી. મયુર પટેલ અને આરટીઓ પીએસઆઈ શ્રી. અંકિત પટેલે 11-17 જાન્યુઆરી 2024 દરમિયાન નેહરુ યુવા કેન્દ્ર ભુજ અને જિલ્લા ટ્રાફિક પોલીસ દ્વારા આયોજિત ટ્રાફિક જાગૃતિ સપ્તાહ અંગે યુવાનોને પ્રવચન આપ્યું હતું અને જાગૃત કર્યા હતા. રાજ્ય કક્ષાની સ્પર્ધામાં વિજેતા માટે રૂ. 1,00,000/- ના રોકડ ઈનામો, રૂ. 50,000/- પ્રથમ રનર અપ માટે, રૂ. 25,000/- દરેક બીજા અને ત્રીજા રનર અપ માટે ઈનામો આપવામાં આવશે.
