પીએમ શ્રી કેન્દ્રીય વિદ્યાલય સીમા સુરક્ષા દળ દાંતીવાડા ખાતે વાર્ષિક રમતગમત ડે નું આયોજન કરવામાં આવ્યું
10 ડિસેમ્બર વાત્સલ્યમ્ દૈનિક સમાચાર સુભાષભાઈ વ્યાસ પાલનપુર બનાસકાંઠા 
પીએમ શ્રી કેન્દ્રીય વિદ્યાલય સીમા સુરક્ષા દળ દાંતીવાડા ખાતે વાર્ષિક રમતગમત દિવસ નું આયોજન કરવામાં આવ્યુંહતું. આ પ્રસંગે મુખ્ય મહેમાન શ્રીમતી અંજના ભારદ્વાજ અને વિશેષ અતિથિઓ દ્વારા માર્ચ પાસ્ટની સલામી લેવામાં આવી હતી અને ધ્વજ લહેરાવીને અને મશાલ પ્રગટાવી આતશબાજી સાથે વિધિવત ઉદ્દઘાટન કરવામાં આવ્યું હતું.રમતગમત દિવસ નિમિત્તે વિદ્યાર્થીઓ અને શિક્ષકો વચ્ચે ટગ ઓફ વોર સ્પર્ધા, દોડ સ્પર્ધા અને રમતગમત સ્પર્ધાનું આયોજન કરવામાં આવ્યું હતું. વિવિધ રમતગમતની સ્પર્ધાઓમાં ટાગોર હાઉસ પ્રથમ ક્રમે, રમણ અને અશોક હાઉસ સંયુક્ત રીતે બીજા ક્રમે અને શિવાજી હાઉસ ત્રીજા ક્રમે રહ્યું હતું.આ પ્રસંગે મુખ્ય મહેમાન શ્રીમતી અંજના ભારદ્વાજ, યજમાન શાળાના આચાર્ય શ્રી વરુણ જોનવાલ, અતિથિ વિશેષ શ્રી રાજીવ કુમાર શર્મા (આચાર્ય નવોદય વિદ્યાલય દાંતીવાડા), શ્રી બી. એલ લોહાની (સેકન્ડ કમાન્ડિંગ ઓફિસર, 93મી બટાલિયન), શ્રી એલ. બી. રામ (ડેપ્યુટી કમાન્ડન્ટ 123મી બટાલીયન) અને અન્ય મહાનુભાવો ઉપસ્થિત રહ્યા હતા.વિભાગીય કક્ષાએ આયોજિત વિવિધ રમતોમાં ઉત્કૃષ્ટ પ્રદર્શન કરીને આ શાળાના 35 ખેલાડીઓ કેન્દ્રીય વિદ્યાલય સંગઠન દ્વારા આયોજિત રાષ્ટ્રીય કક્ષાની સ્પર્ધાઓ માટે પસંદગી પામ્યા હતા અને વિવિધ રમતોમાં પ્રશંસનીય પ્રદર્શન કર્યું હતું. આ ખેલાડીઓને મેડલ અને પ્રમાણપત્ર આપી પ્રોત્સાહિત કરવામાં આવ્યા હતા.શાળાના શારીરિક શિક્ષક ડો.શક્તિસિંહ પરમાર, શ્રીમતી સરિતા યાદવ, શ્રી વિશાલ પંચાલ (મુખ્ય શિક્ષક), સ્ટેજ આયોજકો શ્રીમતી યોગિતા શર્મા અને શ્રી ઓમ પ્રકાશ યોગી અને અન્ય શિક્ષકો અને સ્ટાફે રમતગમત સ્પર્ધાના સફળ સંચાલનમાં સહયોગ આપ્યો હતો.કાર્યક્રમના મુખ્ય મહેમાન મેડમ અને શાળાના આચાર્ય શ્રી વરુણ જોનવાલએ વિજેતા ખેલાડીઓને મેડલ અને પ્રમાણપત્ર આપીને ખેલાડીઓને પ્રોત્સાહિત કર્યા હતા.
