જૂનાગઢ જિલ્લામાં તા.૨૬મી નવેમ્બરના મતદારયાદીની ખાસ સંક્ષિપ્ત સુધારણા ઝુંબેશ
તા.૧ જાન્યુઆરી-૨૦૨૪ સુધીમાં ૧૮ પૂર્ણ કરનાર યુવાઓ મતદાર યાદીમાં નામ નોંધાવી શકશે
વાત્સલ્યમ્ સમાચાર
ભરત બોરીચા – જૂનાગઢ
જૂનાગઢ : લોકસભાની આગામી સામાન્ય ચૂંટણીમાં મહત્તમ મતદારો સહભાગી થાય અને પોતાના મતાધિકારનો ઉપયોગ કરી શકે તે માટે તા.૦૧-૦૧-૨૦૨૪ના રોજ ૧૮ વર્ષ પૂર્ણ કરનાર મતદારનો સમાવેશ કરવા અને ક્ષતિરહિત અદ્યતન મતદારયાદી તૈયાર કરવા માટે ચૂંટણી પંચ દ્વારા મતદારયાદીની ખાસ સંક્ષિપ્ત સુધારણા ઝુંબેશ શરૂ કરવામાં આવી છે.
રાજ્યભરમાં ખાસ સંક્ષિપ્ત સુધારણાના સમયગાળા દરમિયાન ખાસ ઝુંબેશ દિવસ તા.૨૬-૧૧-૨૦૨૩(રવિવાર)ના રોજ બુથ લેવલ ઓફિસર્સ સવારે ૧૦ થી સાંજે ૦૫ વાગ્યા દરમ્યાન સંબંધિત બૂથ પર હાજર રહેશે અને નાગરિકોને રૂબરૂ જોવા માટે મતદાર યાદી ઉપલબ્ધ કરાવશે.
અત્રે ઉલ્લેખનીય છે કે, પાત્રતા ધરાવતા યુવાનો અને તેનાથી વધુ વય જૂથ ધરાવતા નાગરિકો મતદાર યાદીમાં નામ નોંધાવવા અંગે તથા મતદારયાદીમાં નામ દાખલ કરવા, સુધારો કરાવવા કે કમી કરાવવા ચૂંટણી પંચના VOTER HELPLINE APP અને VSP ઉપર ઓનલાઈન ફોર્મ ભરી શકશે.
