અહેવાલ
અરવલ્લી :હિતેન્દ્ર પટેલ
અરવલ્લી : મોડાસા શહેરમાં મોર્નીગ કે નાઈટ વોક પર જતા સાવધાન…!! મોબાઈલ ઝુંટવી લેતી ગેંગ સક્રિય,એક યુવકના હાથમાંથી તફડાવ્યો
મોડાસા શહેરમાં ઘરફોડ ચોર ટોળકી સહીત મોબાઈલ ફોન ઝુંટવી લેતી ગેંગ સક્રિય થતા શહેરીજનો ચિંતિત બન્યા છે મોડાસા શહેરમાં મોર્નિંગ અને નાઈટ વોક માટે મોટી સંખ્યામાં લોકો રોડ રસ્તા પર નીકળતા હોય છે ત્યારે એક્ટિવા પર આવી મોબાઈલની હાથમાંથી તફડંચી કરતી ગેંગ શિકારની શોધમાં તમને શિકાર બનાવે નહીં તે માટે જાગૃત રહેવું જરૂરી છે શહેરના માલપુર રોડ પર પસાર થતા યુવકના હાથમાંથી એક્ટિવા પર આવેલ મોબાઈલ ચોર હાથમાંથી ઝુંટવી ફરાર થઇ જતા યુવક ચોંકી ઉઠ્યો હતો મોબાઈલ ચોરી થતા ટાઉન પોલીસે સમગ્ર મામલો પહોંચ્યો હતો
પ્રાપ્ત માહિતી અનુસાર, મોડાસા શહેરના માલપુર રોડ પરથી સોમવારે રાત્રીના સુમારે વોકિંગ પર નીકળેલા વેપારી યુવકના હાથમાંથી પાછળ થી એક્ટિવા પર આવેલ લબરમૂછિયા જેવા લાગતા ચોર યુવક કઈ સમજે તે પહેલા હાથમાંથી મોબાઈલ ઝુંટવી લઇ ફરાર થઇ જતા યુવા વેપારી પણ ફફડી ઉઠ્યો હતો વેપારીના હાથમાંથી સમડીની ઝડપે મોબાઈલની લૂંટ થતા પરિવાર સાથે મોડાસા ટાઉન પોલીસ સ્ટેશનમાં ફરિયાદ માટે પહોંચ્યો હોવાની માહિતી પ્રાપ્ત થઇ હતી મોડાસા ટાઉન પોલીસ શહેરના માર્ગો પર પેટ્રોલિંગ સઘન બનાવી શહેરીજનોને સુરક્ષા પુરી પાડેની લોક માંગ પ્રબળ બની રાહદારીઓને હાથમાંથી મોબાઈલ ઝુંટવી એક્ટિવા પર ફરાર થયેલ મોબાઈલ ગેંગને ઝડપી જેલના સળિયા પાછળ ધકેલી દેવામાં આવે તાતી જરૂરિયાત છે
