NHL મ્યુનિસિપલ મેડિકલ કોલેજ, અમદાવાદ ખાતે મહિલા સ્વ-રક્ષણ અને સલામતી પર તાલીમ વર્કશોપનું આયોજન કરવામાં આવ્યું

NHL મ્યુનિસિપલ મેડિકલ કોલેજ, અમદાવાદ ખાતે ઇન્ટરનેશનલ વુશુ ચેમ્પિયન અને માર્શલ આર્ટ નિષ્ણાત અમનદીપ સિંહ દ્વારા મહિલા સ્વ-રક્ષણ અને સલામતી પર તાલીમ વર્કશોપનું આયોજન કરવામાં આવ્યું હતું જેમાં 300 થી વધુ MBBS વિદ્યાર્થીઓ અને ડૉક્ટરોએ ભાગ લીધો હતો.

આ સેમિનાર મદદનીશ પોલીસ કમિશનર શ્રી એસ.ડી.પટેલ સર, એલિસબ્રિજ પોલીસ ઈન્સ્પેક્ટર બી.જી. ચેતરીયા સર, કોલેજ ડીન ડો. ચેરી શાહની હાજરીમાં યોજાયો હતો.

આ પ્રશિક્ષણ સેમિનારમાં, શ્રી અમનદીપ સિંહ અને તેમની ટીમે મહિલાઓને શીખવ્યું કે જ્યારે તેઓ ઘરેલુ હિંસા, જાતીય સતામણી, ઈવ-ટીઝિંગ, અપહરણ, ચેઈન-સ્નેચિંગ બળાત્કાર વગેરે જેવી મુશ્કેલ પરિસ્થિતિઓનો સામનો કરે ત્યારે કેવી રીતે રક્ષણ કરવું.
સ્ત્રીઓને 10 સંવેદનશીલ ભાગો પણ શીખવવામાં આવ્યા હતા જ્યાં તેઓ હુમલો કરી શકે છે અને બચાવમાં સફળતા મેળવી શકે છે.