ડાંગ: મહિલાની કરપીણ હત્યા કરી ફરાર પૂર્વ પતિ ને પોલીસની ટીમે ગણતરીના કલાકોમાં ઝડપી પાડ્યો.

વાત્સલ્યમ સમાચાર
મદન વૈષ્ણવ-ડાંગ
ડાંગ જિલ્લાનાં ગુંદવહળ ગામની મહિલાએ છુટાછેડા લઈ બીજા લગ્ન કરતા તેની અદાવતમાં પૂર્વ પતિએ ધારીયા વડે જીવલેણ હુમલો કરી મહિલાની કરપીણ હત્યા કરી નાખતા અરેરાટી વ્યાપી જવા પામી છે…  પોલીસ સૂત્રો પાસેથી મળતી વિગતો અનુસાર ડાંગ જિલ્લાનાં બોરપાડા ગામની રહેવાસી જ્યોતીબેન રમેશભાઈ ગાયકવાડનાં બીજા લગ્ન મહિના અગાઉ પ્રવીણભાઈ રાયેજભાઈ ગવળી રે.ગુંદવહળ તા.વઘઇ જી.ડાંગનાઓ સાથે થયા હતા.આ જ્યોતિબેનનાં પ્રથમ લગ્ન લહાન દાબદરનાં વિજયભાઈ મંગુભાઈ ધૂમ સાથે થયા હતા.જ્યોતિબેનનાં પ્રથમ પતિ ખૂબ જ મારઝૂડ કરતો હોય જેથી ત્રણ ચાર મહિના અગાઉ જ છુટા છેડા થયા હતા.જેથી જ્યોતિબેન હાલમાં બીજા પતિ પ્રવીણભાઈ ગવળી જોડે સંસાર માંડ્યો હતો.ગતરોજ પ્રવીણભાઈ ગવળી અને પત્ની જ્યોતિબેન મોટરસાઈકલ ન.જી.જે.30.સી.4236 પર સવાર થઈ બીમાર સસરાને જોવા માટે વાંસદા ગયા હતા.બાદમાં સાંજનાં સમયે બહેનનાં ગામ વાનરચોંડ રોકાયા હતા.આજરોજ સવારે  પ્રવીણભાઈ અને તેની પત્ની જ્યોતિ વાનરચોંડથી ગુંદવહળ ગામ જવા નીકળ્યા હતા.તે અરસામાં વઘઇ તાલુકાનાં વઘઇથી શામગહાનને જોડતા માર્ગમાં આવેલ નાનાપાડા ગામ નજીક એક મોટરસાઈકલ વાળાએ પાછળથી આવી મારી મોટરસાઈકલની આગળ તેની મોટરસાઈકલ આડી કરી દીધી હતી.અને તેને ખબાનાં બેગમાંથી કઈ પણ બોલ્યા વગર ધારીયા જેવુ હથિયાર કાઢી પત્ની પર હુમલો કરી દીધેલ.અને આ ઈસમ નામે વિજયભાઈ મંગુભાઈ ધૂમે પત્ની જ્યોતિ પર હથિયાર વડે હાથ,ચહેરા,ગળા અને નાક પર જોરદાર પ્રહાર કરતા નાક અને ગળુ કપાઈ જતા તેણી જમીન પર ફસડાઈને પડી ગઈ હતી.અહી પતિએ પત્નીને બચાવવા માટે બુમાબુમ કરતા ગ્રામજનો ધસી આવ્યા હતા.પરંતુ આરોપી ઈસમ મોટરસાઈકલ લઈ નાસી છૂટ્યો હતો.અહી પૂર્વ પતિએ છુટાછેડા અને પત્નીએ બીજા લગ્ન કરી લેવાનાં અદાવતમાં ધારીયા વડે હુમલો કરી કરપીણ હત્યા કરતા ફરિયાદી પ્રવીણભાઈ રાયેજભાઈ ગવળીએ આરોપી વિજયભાઈ મંગુભાઈ ધૂમ સામે વઘઇ પોલીસ મથકમાં ગુનો નોંધાવતા વઘઇ પોલીસ મથકનાં પી.એસ.આઈ. પી.બી.ચૌધરીએ ગુનો નોંધી નાસી છુટેલ આરોપી નામે વિજયભાઈ મંગુભાઈ ધૂમને ઝડપી પાડી કાયદેસરની કાર્યવાહી હાથ ધરી હોવાનું જાણવા મળેલ છે..