ખાનગી ઔદ્યોગિક સંસ્થાઓમાં શ્રમયોગીઓએ મતાધિકાર અચૂક ઉપયોગ કરવા લીધા શપથ
જૂનાગઢ તા.૨૧ જૂનાગઢ જિલ્લામાં ખાનગી ઔદ્યોગિક સંસ્થાઓમાં કામ કરતા શ્રમયોગીઓએ લોકશાહીના મહાપર્વમાં અચૂક મતદાન કરીને સહભાગી બનવાનો નિર્ધાર કર્યો છે.
જિલ્લા કલેક્ટરશ્રી અનિલ રાણાવસિયાના માર્ગદર્શન હેઠળ લેબર ઓફિસર દ્વારા સ્વીપ એક્ટિવીટી હેઠળ કંપનીના શ્રમયોગીઓ સાથે મતદાન જાગૃતિ અંગેના કાર્યક્રમોનું આયોજન કરવામાં આવ્યું હતું. લેબર ઓફિસર દ્વારા શ્રમયોગીઓને મતદાન એ દરેકનો બંધારણીય અધિકાર છે તથા દરેક શ્રમયોગીઓને પોતાના પરિવારની સાથે અચૂક મતદાન કરવા માટે અનુરોધ કર્યો હતો. ઉપરાંત મતદાનના દિવસે કર્મચારીઓને મળતી રજા તેમજ મતદાનના મહત્વ અંગે પણ માર્ગદર્શન આપવામાં આવ્યું હતું.
જૂનાગઢ જિલ્લાના પાટલા ગામ, ભેંસાણ તાલુકા ખાતે આવેલ ઓસ્ટિન ઇન્જિનનિયરીંગ કંપની લી., જયદિપ એન્જિહનિયરિંગ, ભેંસાણ રોડ જૂનાગઢ તથા દોલતપરા-૨ જી.આઈ.ડી.સી. ખાતે આવેલ કાસ્ટેક ફાઉન્ડનરિઝ પ્રા.લી. અને ક્રીએટીવ કાસ્ટિંગસ લી. કંપનીના શ્રમયોગીઓને દેશની લોકતાંતત્રિક પ્રક્રિયાઓની મર્યાદા જાળવી, સ્વતંત્ર, નિષ્પક્ષ અને શાંતિપૂર્ણ ચૂંટણીઓની ગરીમા જાળવી, નિર્ભયતાથી, ધર્મ, વર્ગ, જાતિ, સમાજ, ભાષા તેમજ અન્ય પ્રલોભનોથી પ્રભાવિત થયા સિવાય પોતાના નૈતિક મતાધિકારનો ઉપયોગ કરવા માટે મતદાન શપથ પણ લેવડાવવામાં આવ્યા હતા. જેના અનુસંધાને શ્રમયોગીઓ દ્વારા પણ અચૂક મતદાન કરવા માટે નિર્ધાર દર્શાવ્યો હતો. આ કાર્યક્રમમાં સંસ્થાના જવાબદાર મેનેજરશ્રીઓ દ્વારા પણ હકારાત્મક અભિગમ સાથે શ્રમયોગીઓને મતદાર જાગૃતિ માટે પ્રેરણા આપવામાં આવી હતી.
