Rape : સગીરાને લગ્નની લાલચ આપી પોતાના રૂમે બોલાવી દુષ્કર્મ ગુજાર્યુ

સુરતના કાપોદ્રામાં રહેતી 14 વર્ષીય સગીરાને લગ્નની લાલચ આપીને બળાત્કાર ગુજારાયો હતો. આ મામલે કાપોદ્રા પોલીસે ગુનો નોંધ્યો હતો.

પ્રાપ્ત વિગતો મુજબ વરાછામાં આવેલ જવાહર નગર સોસાયટીમાં રહેતા રવિ કાશીરામ રાઠોડે કાપોદ્રામાં રહેતી એક 14 વર્ષીય સગીરાને પોતાના પ્રેમજાળમાં ફસાવી હતી. સગીરાને લગ્નની લાલચ આપીને તેણીને મળવા માટે પોતાના રૂમે બોલાવ્યા બાદ બળાત્કાર કર્યો હતો.

રવિ વારંવાર સંબંધ બાંધવા માંગણી કરતો હોય સગીરાએ પોતાના પરિવારને જાણ કરી દેતા મામલો પોલીસમાં પહોંચ્યો હતો. પોલીસે બનાવ અંગે રવિની સામે બળાત્કારની ફરિયાદ નોંધીને તપાસ શરૂ કરી છે.