તા.૯/૧૧/૨૦૨૩
વાત્સલ્યમ્ સમાચાર
Rajkot: પ્રાદેશિક વાહન વ્યવહારની કચેરી, રાજકોટ દ્વારા મોટર વાહનો HGV માટે GJ-03-BZ તેમજ 3WT માટે GJ-03-CT સીરીઝના ગોલ્ડન, સિલ્વર કે અન્ય પસંદગીના નંબરોના રી-ઓકશન તા. ૧૮/૧૧/૨૦૨૩થી શરુ કરવામાં આવશે. પસંદગીના નંબર મેળવવા ઇચ્છુકે ઓનલાઈન http://parivahan.gov.in/fancy પર રજિસ્ટ્રેશન કરાવવાનું રહેશે.
પસંદગીના ગોલ્ડન, સિલ્વર કે અન્ય પસંદગીના નંબરો મેળવવા માટે તા. ૧૮થી તા. ૨૦ નવેમ્બર સુધી ઓનલાઈન એપ્લીકેશન કરવાની રહેશે. તેમજ તા. ૨૦થી તા. ૨૨ નવેમ્બર, ૨૦૨૩ના સાંજના ૦૪:૦૦ કલાક સુધી ઓનલાઈન ઓકશનમાં બિડિંગ પ્રક્રિયા પુર્ણ થયા બાદ તા. ૨૩ નવેમ્બર, ૨૦૨૩ના રોજ કચેરીમાં ફોર્મ જમા કરાવવાના રહેશે.
ઉલ્લેખનીય છે કે રજીસ્ટ્રેશન કરાવવા ઉમેદવારે સૌ પ્રથમ parivahan.gov.in પર જઈ ઓનલાઇન સર્વિસ પર કિલક કરવું, ત્યારબાદ fancy number booking પર ક્લિક કરી પબ્લિક યુઝર પસંદ કરી આઈ.ડી. બનાવવું. ત્યાર બાદ સી.એન.એ. ફોર્મ ઓનલાઇન ભરવું અને પસંદગીના નંબરમાં દર્શાવેલી ઓછામાં ઓછી ફી ભરવી. ફી ભરાયા બાદ હરાજીમાં ભાગ લઈ, હરાજીમાં નંબર મેળવ્યા બાદ ૦૫ દિવસમાં હરાજીની બાકીની રકમ ભરવી. જે બાદ આર.ટી.ઓ.ની અપૃવલ લઈ નંબર મેળવવો.
વાહનનું રજીસ્ટ્રેશન કરાયેલું હોવું જરૂરી છે. વાહન ખરીદીના સાત દિવસમાં અરજદારે સી.એન.એ. ફોર્મ ઓનલાઈન ભરેલું હોવું ફરજીયાત છે. સમય મર્યાદા બહારની અરજી માન્ય ગણવામાં આવશે નહીં. તેમ પ્રાદેશિક વાહન વ્યવહાર અધિકારીશ્રી, રાજકોટની યાદીમાં જણાવાયું છે.
