કાલોલ તાલુકાની જોડિયા કુવા પ્રાથમિક શાળા માં માતૃ પિતૃ પૂજન દિવસ ની ઉજવણી કરાઇ
તારીખ ૧૩/૦૨/૨૦૨૪
સાજીદ વાઘેલા કાલોલ
આજનો દિવસ ખરા અર્થમાં ભારત ની રૂષિ પરંપરા મુજબ માતૃ પિતૃ પુજન દિવસ ગણવામાં આવે છે.ત્યારે ખરેખર નિસ્વાર્થ પ્રેમ ની મૂર્તિ એવા માં બાપ જ આ જમાનામાં ખરો પ્રેમ કરી શકે છે.એવું જ એક શ્રેષ્ઠ ઉદાહરણ આજે પંચમહાલ જિલ્લાના કાલોલ તાલુકાની જોડિયા કુવા પ્રાથમિક શાળામાં જોવા મળ્યું હતું.જ્યાં શાળા નાં આચાર્ય રમેશ પટેલ અને શિક્ષકો જગદીશ ભગોરા,ભારતી બેન પટેલ દ્વારા બાળકોને માતૃ પિતૃ પુજન નું મહત્વ સમજાવવામાં આવ્યું હતું. જોડિયા કુવા પ્રાથમિક શાળામાં માતૃ પિતૃ પુજન દિવસ ઉજવણી કરવામાં આવી હતી. ૧૪ ફેબ્રુઆરી એટલે માતૃ પિતૃ પૂજન દિવસે આજે પાવન દિવસે બાળકોમાં મૂલ્યોનું સિંચન થાય અને મૂલ્યલક્ષી શિક્ષણ મળે તે હેતુથી શાળામાં બાળકોના માતા-પિતા ને બોલાવી તેમનું કુમકુમ તિલક, ચોખા અને ફુલહારથી પૂજન કરવામાં આવ્યું ત્યારબાદ માતાપિતા ના ચરણો માં જ ૬૮ તિર્થ છે તેવું બાળકો ને સમજાવવામાં આવ્યું હતું.આજના તબક્કે વેજલપુર ક્લસ્ટર ના સીઆરસી કો.ઓ દિનેશભાઇ માછી પણ હાજર રહીને જરૂરી માર્ગદર્શન અને માતૃ-પિતૃ પૂજન વિશે સમજાવ્યું હતું.
