કાલોલ ના સુરેલી પાસે બાઇક પર જતા બે ઈસમોને બોલેરો ચાલકે ટક્કર મારતા બાઇક પર સવાર બન્ને ઈજાગ્રસ્ત
તારીખ ૨૨/૦૫/૨૦૨૪
સાજીદ વાઘેલા કાલોલ
વેજલપુર પોલીસ મથકે લાલસિંહ પટેલ દ્વારા નોંધાવેલી ફરિયાદ ની વિગતો જોતા તેઓ તેમના મિત્ર કિરીટભાઈ પર્વતભાઈ પરમાર સાથે તેઓની મોટરસાયકલ પર વાછાવાડ ખાતે ગયા હતા ત્યાંથી મોટરસાયકલ લઇ પરત આવતા હતા ત્યારે સાંજના સુમારે સુરેલી નાળા પાસે વેજલપુર તરફથી પુરઝડપે અને ગફલતભરી રીતે બોલેરો મહિન્દ્રા પીક અપ ના ચાલકે પોતાનુ વાહન હંકારી બન્ને મિત્રો ની મોટરસાયકલને સામેથી ટક્કર મારતા બન્ને રોડ પર ફેંકાયા હતા જેમા કિરીટભાઇ ને બન્ને હાથે પગે અને માથાના પાછળના ભાગમાં ઈજાઓ પહોંચી હતી જયારે પાછળ બેઠેલા લાલસિંહ ને જમણા હાથે પગે અને સાથળ પર ઈજાઓ પહોંચી હતી બન્ને ને ગોધરા સીવીલ હોસ્પિટલ ખાતે લાવવામાં આવ્યા હતા જ્યાંથી કિરીટભાઈ ને વધુ સારવાર માટે વડોદરા સરકારી દવાખાને અને ત્યારબાદ અમદાવાદ સીવીલ મા દાખલ કરવામાં આવ્યા હતા જયારે લાલસિંહ ને ગોધરા ની ખાનગી હોસ્પિટલ ખાતે સારવાર અર્થે ખસેડવામાં આવ્યા જ્યા તેઓને જમણા હાથે કાંડા પર અને સાથળ પર ઓપરેશન કરાવેલ જ્યા સારવાર બાદ તેઓએ વેજલપુર પોલીસ મથકે ફરીયાદ નોંધાવતા પોલીસે અકસ્માત બાદ નાસી છૂટેલા બોલેરો પિક અપ ચાલક સામે અકસ્માત નો ગુનો નોંધી આગળની કાર્યવાહી હાથ ધરી છે.
