વાત્સલ્યમ સમાચાર
મદન વૈષ્ણવ
ગુજરાત સરકારશ્રી ના મહિલા અને બાળ વિકાસ વિભાગ, ગૃહ વિભાગ અને ઇ.એમ.આર.આઇ.ગ્રીન હેલ્થ સર્વિસ દ્વારા સંકલિત રીતે ૮ માર્ચ-૨૦૧૫ આંતરરાષ્ટ્રીય મહિલા દિવસે રાજ્યવ્યાપી ૧૮૧ અભયમ મહિલા હેલ્પ લાઇન કાર્યરત કરવામાં આવી હતી.
મહિલાઓને ઘરેલું હિંસા સહિત વિવિધ પ્રકારની હિંસા તેમજ મુશ્કેલીઓ સમયે તાત્કાલિક ધોરણે બચાવ, સલાહ અને માર્ગદર્શન પૂરું પાડવામાં આવી રહી છે. આજે અભયમ પિડીત મહિલાઓ માટે એક સાચી સાહેલી તરીકે દિન પ્રતિદિન વિશ્વાસ સંપાદિત કરી રહી છે. ૨૪×૭, વિનામૂલ્યે અપાતી સેવાઓ મહિલાઓ, યુવતીઓ, વિદ્યાર્થીનીઓ અને સિનિયર સિટઝન માટે આશીર્વાદ રૂપ બને છે. લગ્ન જીવન અને લગ્નેતર સંબંધમાં અસરકારક કાઉન્સિલીંગ દ્વારા વિખવાદ દુર કરી પરિવારમાં સુલેહ શાંતિ વધારવામાં આવે છે. આં ઉપરાત મહિલાઓ સાથે થતી શારિરીક, માનસિક કે જાતીય, કાર્યસ્થળે સતામણી, પ્રજોત્પતિ ને લગતી બાબતો, જાતીય તેમજ બાળજન્મ અને આરોગ્ય ને લગતી બાબતોમાં સુખદ સેવાઓ આપવામા આવી રહી છે. આજનાં ટેકનોલોજી ના યુગમાં સોશ્યલ મિડિયાના માધ્યમથી હેરાનગતિ, પેરેંટીગ ઇસ્યૂ, માનસિક હતાશા, મિલકત અને વેતન ને લગતા કિસ્સાઓમાં યોગ્ય સમાધાન કરાવવામાં આવે છે.
<span;> આ ઉપરાત બાળકોના પ્રશ્નો, સિનિયર સિટીઝનને હેરાનગતિ, ઘર છોડવા મજબૂર કરવા, પડોશી સાથેના ઝઘડાઓ, તરુણ અવસ્થાનાં પ્રશ્નોમાં અભયમ હંમેશા પિડિતાની પડખે ઉભી રહી છે. ઉપરાત ઘરે થી કાઢી મુકેલા, ગૃહ ત્યાગ કે ભુલા પડેલા મહિલાઓ સહિત બાળકોને પરિવાર સુઘી પહોચાડ્યા છે અથવા સુરક્ષિત આશ્રય અપાવવામાં સફળ બનેલા છે એટલે જ તો આજે ગુજરાતની મહિલાઓ અભયમ ટીમમાં વિશ્વાસ રાખી પોતાની અંગત સમસ્યાઓના હલ અને યોગ્ય માર્ગદર્શન માટે વિના સંકોચે ૧૮૧ મહિલા હેલ્પ લાઇનની મદદ મેળવતા થયા છે અને જિંદગીના વિખવાદો દૂર કરી એક નવી આશા જગાડી છે. ૨૦૨૩ વર્ષ દરમિયાન પિડિત મહિલાઓ એ મદદ માટે જેટલાં ૧૮૧ મહિલા હેલ્પ લાઇન માં ૩૩૮૭ કોલ કરેલા હતાં જેમાં ૮૩૨ જેટલાં ખાસ કિસ્સામાં અભયમ રેસ્ક્યું વાન સાથે તાત્કાલિક ઘટના સ્થળે પહોંચી મહિલાનો બચાવ અને સહાયતા પહોચાડેલી છે. અને બાકીના કિસ્સામાં કાઉન્સિલીગ કરી જરુરિયત મુજબ સરકારી કે અન્ય એજન્સીઓ સાથે સંકલન કરવામા મદદરૂપ બનેલી છે.
