વાંકાનેરની રાણેકપર પ્રાથમિક શાળામાં બાળસંસદની ચૂંટણી કરીને લોકશાહીના મહાપર્વ થી વાકેફ કરાયા.
વાંકાનેર ની રાણેકપર પ્રાથમિક શાળામાં બાળસંસદની રચના કરવામાં આવી. ભણતરની સાથે બાળકોમાં લોકશાહીના મૂલ્યો,દેશદાજ જાગે તે હેતુથી અને બાળકો સ્કૂલના નીતિ નિયમો અને શાળા વ્યવસ્થાપન અને વિકાસ તથા સુધારણામાં ભાગીદાર બને એ હેતુથી શાળા પંચાયતની ચૂંટણીનું આયોજન કરવામાં આવ્યું. જેમાં બાળ સંસદ જાહેરનામા, ફોર્મ ભરવાની પ્રક્રિયા અને પ્રચાર પ્રક્રિયા કાર્યક્રમ તથા આજરોજ તારીખ 29 ને શુક્રવાર મતદાન પ્રક્રિયા હાથ ધરવામાં આવી. જેમાંથી વિજેતા થનાર બાળકોને અલગ અલગ સમિતિ જેવી કે,શિક્ષણસમિતિ, રામહાટ સમિતિ, પાણીસમિતિ, મધ્યાહન ભોજન સમિતિ, વ્યવસ્થાપન સમિતિ,સફાઈસમિતી તથા પુસ્તકાલય સમિતિ ના મંત્રી ની વિશેષ કામગીરી કરશે. આ કાર્યક્રમ સાચી ચૂંટણી ની જેમ જ બાળકોની ફોટોયાદી અને કક્કાવારી યાદી તથા મોબાઈલ વોટીંગ મશીન નો ઉપયોગ કરવામાં આવેલ. આ કાર્યક્રમને સફળ બનાવવા શાળા પરિવાર ના તમામ શિક્ષકો એ ખૂબ મહેનત કરેલ અને કાર્યક્રમનું સમગ સંચાલન સામાજિક વિજ્ઞાનના શિક્ષક નરેન્દ્રભાઈ કુબાવતે કરેલ હતું.
