Halvad:હળવદના મેરૂપર ગામે કેનાલમાં રાખેલી ત્રણ પાણીની મોટર તસ્કરો ચોરી ગયા

Halvad:હળવદના મેરૂપર ગામે કેનાલમાં રાખેલી ત્રણ પાણીની મોટર તસ્કરો ચોરી ગયા

વિશાલ જયસ્વાલ હળવદ

હળવદ તાલુકાના મેરૂપર ગામે રહેતા ખેડૂત મહીપતસિંહ દિલીપભાઇ ખેર ઉવ.૩૬ એ તથા તેમની સાથે અન્ય બીજા બે ખેડૂત સહીતનાઓએ મેરૂપર ગામની સીમમાં પસાર થતી કેનાલમાંથી સિંચાઈ માટે પાણી પોતાના ખેતરમાં પહોચતું કરવા કેનાલ ઉપર અલગ અલગ ત્રણ મોટર લગાવેલી હતી. ત્યારે ગત તા. ૩૦ એપ્રિલના સાંજના આઠેક વાગ્યાથી તા-૦૧ મે સવારના નવેક વાગ્યાના સમયગાળા દરમ્યાન લગાવેલી ત્રણેય પાણીની મોટરોની કોઈ અજાણ્યા ચોર ઈસમ દ્વારા ચોરી કરી લઇ ગયા હતા. ત્યારે ફરિયાદી સહિતના ત્રણેય ખેડૂતો દ્વારા આજુબાજુમાં તપાસ કરતા પાણીની મોટર મળી આવેલ ન હોય જેથી આખરે ત્રણ પાણીની મોટરની ચોરી અંગે હળવદ પોલીસ મથકમાં ફરિયાદ નોંધાવતા પોલીસે અજાણ્યા ચોર ઈસમ વિરુદ્ધ ગુનો દાખલ કરી તપાસનો ધમધમાટ શરૂ કર્યો છે.