નેત્રંગ : થવા બેડાકંપનીની આઈસ ગર્લ દ્રષ્ટિ વસાવાના સબળ નેતૃત્વ થકી ટીમ ગુજરાતને સુર્વણ પદક એનાયત કરાયો.
જમ્મુ કાશ્મીરમાં રમાયેલ “ખેલો ઈન્ડિયા નેશનલ વિન્ટર ગેમ”ની ત્રીજી આવૃત્તિમાં “ટીમ ગેમ વુમન”માં ગુજરાતે સુવર્ણ પદક મેળવ્યો.
જમ્મુ કશ્મીરના ગુલમર્ગ ખાતે યોજાયેલ ખેલો ઈન્ડીયા નેશનલ વિન્ટર ઓલ્મપિક ગેમ-૨૦૨૩ની ત્રીજી આવૃત્તિ ૧૦મી ફેબુઆરીથી ૧૪મી ફેબુઆરી યોજાઈ હતી. આ સ્પર્ધામાં દેશ તરફથી જુદા- જુદા ૧૮ રાજ્યોના ખેલાડીઓએ ખેલો ઈન્ડીયા નેશનલ વિન્ટર ગેમમાં ભાગ લીધો હતો.આજરોજ ગુલમર્ગ ખાતે સ્પર્ધાનો સમાપન સમારોહ યોજાયો હતો.
આ સ્પર્ધામાં ગુજરાતની ટીમે ભરૂચના નેત્રંગ થવા બેડાકંપનીની આઈસ ગર્લ દ્રષ્ટિ નાનાલાલ વસાવાના સબળ નેતૃત્વએ ગુજરાતની ટીમને સુવર્ણ પદક અપાવ્યો છે.જ્યારે સિલ્વર પદક રાજસ્થાનની ટીમને ,બ્રોન્ઝ-૧ પદક દિલ્હી તથા બ્રાન્ઝ-૨ પદક તામિલનાડુની ટીમને એનાયત કરવામાં આવ્યો હતો.
આમ જોઈએ તો સામાન્ય કદ અને કાઠીમાં ઓછપ દેખાતી પણ આઈસ ગર્લ તરીકે ઓળખાતી દ્રષ્ટિ વસાવાની સ્ટોરી ફિલ્મી દુનિયાની સ્ક્રીપ્ટમાં આવતાં વણાકની માફક લટાર મારી વાસ્તવિક બનતી પારાવાર મુશ્કેલીઓનો સામનો કરી પ્રતિકૂળ વાતાવરણ વચ્ચે જીતની જીદને વરેલી યુવાનીના ભરપૂર જોમ- જુસ્સાનું પરિણામ આપતી સફળ યાત્રા છે.
ગુજરાત રાજ્યમાં આદિવાસી સમાજમાંથી આવતી ડાંગની ગોલ્ડ ગર્લ સરીતા ગાયકવાડ બાદ આશાનું કિરણ લઈને આવી છે ભરૂચ જિલ્લાના નેત્રંગ તાલુકાની થવા બેડાકંપનીની ગામની આઈસ ગર્લ તરીકે ઓળખાતી દ્રષ્ટિ વસાવા. જ્યારે નેશનલ આઇસ સ્ટોક સ્પોર્ટસ ચેમ્પિયનશીપમાં ગુજરાત રાજ્યનું પ્રતિનિધિત્વ પણ દ્રષ્ટિ વસાવાએ કરનારી પ્રથમ રમતવીર બની છે. વધુમાં આવનારા વર્ષ ૨૦૨૬માં દરિયાપાર યોજાનાર ઓલમ્પિકમાં ભારત દેશ તરફથી પ્રથમવાર યજમાની કરશે.
*આ સફળ યાત્રાના મુખ્ય પ્રણેતા તો આઇસ ગર્લના માતા – પિતા*
ઓછું શિક્ષણ અને સંકુચિત માનસિકતા ધરાવતા વિસ્તારમાં હકારાત્મક અભિગમથી નાનકડી દ્રષ્ટિને કરિયર તરીકે રાજ્યમાં ભૌગોલિક પરિસ્થિતિને કારણે જવલ્લે જ રમાતી રમતને કારકિર્દી તરીકે માન્યતા આપી તેમજ રમતમાં મહારથ હાંસલ કરવાનું પ્રોત્સાહન પૂરું પાડ્યું તથા પોતાની દિકરીની ક્ષમતામાં વિશ્વાસ મૂક્યો.
પોતાના માતા પિતાના વિશ્વાસને સાચા અર્થમાં સાર્થક કરી બતાવીને આજે તેનું પરિણામ આ રમતમાં પોતાના કાંડાનું કૌવત્ત બતાવીને જમ્મુ કાશ્મીરમાં રમાયેલ “ખેલો ઈન્ડિયા નેશનલ વિન્ટર ગેમ”ની ત્રીજી આવૃત્તિમાં “ટીમ ગેમ વુમન”માં ગુજરાતે સુવર્ણ પદક મેળવીને ઉત્કૃષ્ટ ઉદાહરણ પૂરું પાડ્યું છે.
*વિવિધ કેટેગરીઓ પૈકી….*
ખેલો ઈન્ડિયા નેશનલ વિન્ટર ગેમમાં આઈસ સ્ટોકની રમતમાં મહિલા ખેલાડીઓના પ્રતિનિધિત્વ કરતી જુદી- જુદા ઈવેન્ટ જેવી કે, ટીમ ગેમ, ટીમ ટાર્ગેટ, ટીમ ડીસ્ટન્સ, ઈન્ડીવ્યુઝઅલ ટાર્ગેટ, ઈન્ડીવ્યુઝઅલ ડીસ્ટન્સ જેવી મહિલાઓની કેટેગરીમાં આઈસ સ્ટોક ગેમ રમાઈ હતી.
જેમાં “ટીમ ગેમ વુમન”માં ગુજરાતની ટીમે ગોલ્ડ મેડલ મેળવ્યો હતો. આ ટીમમાં નેત્રંગની આઈસ ગર્લ દ્રષ્ટિ વસાવાએ સિનિયર ગર્લની ટીમને નેતૃત્વ પુરૂં પાડ્યું હતું .જેમાં સુરતની સીમરન અગ્રવાલ તથા વિશ્વા તેમજ તાપી જિલ્લાની ખ્યાતિ ગામીતનો પણ સમાવેશ થાય છે.
બ્રિજેશકુમાર પટેલ
પત્રકાર પ્રતિનિધિ નેત્રંગ તાલુકા
