હાલોલ:રણજીત નગર ખાતે ગુજરાત ફ્લોરો કંપની દ્વારા નિર્મિત કોમ્યુનિટી હોલ કમ સ્કીલ ડેવલોપમેન્ટ સેન્ટરનું ધારાસભ્યના હસ્તે લોકાર્પણ કરાયું.
રિપોર્ટર .કાદીર દાઢી .હાલોલ
તા .૨૪.૧૨.૨૦૨૩
પંચમહાલ જિલ્લાના ઘોઘંબા તાલુકાના રણજીત નગર ખાતે આવેલી ગુજરાત ક્લોરો કેમિકલ્સ લિમિટેડ કંપનીના સીએસઆર વિભાગ દ્વારા પોતાની કોર્પોરેટ સામાજિક જવાબદારી અંતર્ગત આસપાસના ગ્રામ્ય વિસ્તારોમાં વિવિધ વિકાસકીય કામગીરી કરવાની ઝુંબેશ ચલાવી વિવિધ કામગીરી કરવામાં આવી રહી છે. જે અંતર્ગત જી.એફ.એલ.કંપની દ્વારા રણજીત નગર ગામના લોકોના સહયોગથી રણજીત નગર ખાતે ગ્રમજનોના લાભાર્થે ભવ્ય કોમ્યુનિટી હોલ કમ સ્કીલ ડેવલોપમેન્ટ સેન્ટરનું નિર્માણ કરવામાં આવ્યું છે.તેનું હાલોલ-ઘોઘંબા વિધાનસભાના ધારાસભ્ય જયદ્રથસિંહ પરમારના વરદ્ હસ્તે તેમજ જીએફએલ કંપનીના અધિકારીઓ સહિત સ્થાનિક અગ્રણીઓની ઉપસ્થિતિમાં લોકાર્પણ કરવામાં આવ્યું હતું.આ પ્રસંગે શાળાની બાળાઓ દ્વારા પ્રાથના ગીત તેમજ ગરબા સહિતનો સાંસ્કૃતિક કાર્યક્રમ પણ રજૂ કરી ઉપસ્થિત સૌ કોઈને મંત્રમુગ્ધ કર્યા હતા.આ પ્રસંગે ધારાસભ્ય સહિત પંચમહાલ જિલ્લા પંચાયતના કારોબારી અધ્યક્ષ ભુપેન્દ્રભાઈ કંપનીના કોર્પોરેટ એચ. આર.હેડ કલોલ ચક્રવતી,એચ.આર.વાઇસ પ્રેસિડેન્ટ સુનીલ ભટ્ટ,યુનિટ હેડ જય શાહ,જનરલ મેનેજર જીગ્નેશ મોરી,સહિત રણજીત નગરના સરપંચ માધુભાઈ રાઠવા, ઉપ-સરપંચ મિત્તલભાઈ પટેલ ગામના અગ્રણી શૈલેષ પટેલ સહિત વિવિધ રાજકીય મહાનુભવો તેમજ અન્ય સામાજિક અગ્રણીઓ તેમજ કંપનીનો સ્ટાફ અને મોટી સંખ્યામાં ગ્રામજનો ઉપસ્થિત રહ્યા હતા.
