હાલોલ ચંદ્રપૂરા રોડ ઉપર અજાણ્યા વાહન ચાલકે યુવકને અડફેટે લેતા સર્જાયો અક્સ્માત,યુવકની હાલત નાજુક

રિપોર્ટર. કાદિર દાઢી.હાલોલ

તા.૩૦.૫.૨૦૨૪

હાલોલ જીઆઇડીસી ના ચંદ્રપુરા રોડ ઉપર ગત મોડી રાત્રે વધુ એક અકસ્માત સર્જાયો હતો. અકસ્માતમાં રોડની બાજુમાં ચાલીને જઈ રહેલા બે પરપ્રાંતીય યુવકોને કોઈ અજાણ્યા વાહને અડફેટે લેતા ઉત્તરાખંડનો એક યુવક ગંભીર રીતે ઇજાગ્રસ્ત થયો હતો.જેને સારવાર માટે મોડી રાત્રે હાલોલ રેફરલ હોસ્પિટલ ખાતે લાવવામાં આવ્યો હતો જ્યાં તેની હાલત અત્યંત નાજુક હોવાથી વધુ સારવાર માટે વડોદરા રીફર કરવામાં આવ્યો હતો.હાલોલ જીઆઇડીસીના ચંદ્રપુરા રોડ ઉપર ગત મોડી રાત્રે રોડની બાજુમાં ચાલતા જઈ રહેલા બે યુવક પૈકી એક ને પાછળ થી આવેલા કોઈ અજાણ્યા વાહને અડફેટે લઈ રોડ ઉપર હવામાં ઉછાળી દેતા ઉત્તરાખંડ ના પખોર જિલ્લાના અલમોરા નો 32 વર્ષ નો યુવક કેવલાનંદ મોહનરામ ગંભીર રીતે ઇજાગ્રસ્ત થતા તેને 108 એમ્બ્યુલન્સ મારફતે સારવાર માટે હાલોલ રેફરલ હોસ્પિટલ ખાતે લાવવામાં આવ્યો હતો. પ્રાથમિક દ્રષ્ટિએ યુવકના કમર ઉપરથી વાહનનું પૈડું પસાર થયું હોય તેવી સ્થિતિ હોય તેને અત્રે હોસ્પિટલ માં પ્રાથમિક સારવાર આપીને વધુ સારવાર માટે વડોદરા રીફર કરવામાં આવ્યો હતો.ત્યારે વડોદરા ગોધરા રોડ ઉપર હાલોલ બાયપાસ થી નીકળતો અને ચંદ્રપુરા, ખાખરીયા, ચાંપાનેર થઈ સાવલી તરફ જતા માર્ગ ઉપર અજાણ્યા વાહન ની ટક્કર હોય કે બાઇક ચાલક ને ઉછાળી દેવાયો હોવાના અકસ્માત ના વધતા બનાવો ચિંતાજનક છે.