Gujrat:સાબરકાંઠાના વરવાડા ખાતે વિકસિત ભારત સંકલ્પ યાત્રાનું ગ્રામજનોએ ઉત્સાહભેર સ્વાગત કર્યું
સાબરકાંઠાના વરવાડા ખાતે વિકસિત ભારત સંકલ્પ યાત્રાનું ગ્રામજનોએ ઉત્સાહભેર સ્વાગત કર્યું
સાબરકાંઠા જિલ્લાના તલોદ તાલુકાના વરવાડા ખાતે વિકસિત ભારત સંકલ્પ યાત્રા જિલ્લા પંચાયત પ્રમુખ શ્રીમતી ભારતીબેન પટેલ અને ધારાસભ્યશ્રી ગજેન્દ્રસિંહ પરમાર ની ઉપસ્થિતિમાં યોજાઇ હતી. ગ્રામજનોએ ઉત્સાહભેર રથને આવકાર આપી સ્વાગત કર્યું હતું.
આ પ્રસંગે ગ્રામજનો અને સૌ ઉપસ્થિતોએ વડાપ્રધાનશ્રી નરેન્દ્રભાઈ મોદીનો રેકોર્ડ કરેલા વિકસિત ભારત સંકલ્પ અન્વયે પ્રજાજોગ સંદેશો સાંભળી પ્રદર્શન નિહાળ્યું હતું.
આ પ્રસંગે પોષણ યોજના, પીએમ કિસાન સ્વનિધી, પીએમ આવાસ યોજના આયુષ્માન કાર્ડ વગેરે યોજનાના લાભાર્થીઓ તેમને મળેલ લાભની મેરી કહાની મેરી ઝુબાની અંતર્ગત વાત કરી હતી. ઉપરાંત ગ્રામ પંચાયતની ૧૦૦% નળ જોડાણની સિદ્ધિ માટે પ્રશસ્તિ પત્ર, ભૂમિ સન્માન પત્ર એનાયત કરવામાં આવ્યો હતો. આ પ્રસંગે ગામના ખેલાડીઓનું સન્માન કરવામાં આવ્યું હતું.
આ પ્રસંગે ગામના સરપંચશ્રી, જનપ્રતિનિધિઓ, આગેવાનો, અધિકારી/કર્મચારીશ્રીઓ તેમજ ગ્રામજનો મોટી સંખ્યામાં ઉપસ્થિત રહ્યા હતા.
