– ગુજરાત કાઉન્સિલ ઓન સાયન્સ એન્ડ ટેકનોલોજી ગુજરાત સરકાર દ્વારા વિદ્યાર્થીઓ માં વિજ્ઞાન,ટેકનોલોજી, એન્જિનિયરીંગ અને ગણિત (STEM) ક્ષેત્રમાં જ્ઞાન માં અભિવૃદ્ધિ થાય તેવા આસ્થય થી સમગ્ર ગુજરાત રાજ્ય માં ધોરણ ૯ થી ૧૨ માં અભ્યાસ કરતા તમામ વિદ્યાર્થીઓ માટે સ્ટેમ ક્વિઝ સ્પર્ધા ૨૦૨૩ નું આયોજન આગામી તા.૧૪ થી૧૬ એપ્રિલ ૨૦૨૩ કરેલ છે આ સ્પર્ધા જૂનાગઢ જિલ્લા માટે ૧૫/૦૪/૨૩ ને શનિવાર ના સાંજે ૪ વાગ્યે યોજાશે આ તાલુકા કમ જિલ્લા કક્ષા ની ઓનલાઈન સ્પર્ધા યોજાશે અને દરેક તાલુકા માંથી પસંદગી પામેલ વિદ્યાર્થીઓ ને ઓફલાઈન માધ્યમ થી સાયન્સ સીટી અમદાવાદ ખાતે રાજ્યકક્ષા એ ભાગ લેવા જશે આ સ્પર્ધા ગુજરાતી અને અંગ્રેજી માધ્યમ માં હશે.આ સ્પર્ધામાં બાર્ક,ડીઆરડીઓ અને ઈસરો જેવી સંસ્થા ની મુલાકાત સાથે બે કરોડ જેવી માતબર રકમ ના ઇનામો તો જીતવાની તકોપણ છે ભાગ લેનાર ને ઇ સર્ટિફિકેટ આપવામાં આવશે જૂનાગઢ જિલ્લા ના તમામ પ્રતિભાશાળી,રસ ધરાવતા વિદ્યાર્થીઓ વધુને વધુ ભાગ લે તેવા હેતુ થી જિલ્લા શિક્ષણાધિકારી શ્રી ડી.ઇ.ઓ કચેરી જૂનાગઢ તથા શ્રી બ્રહ્માનંદજી લોક વિજ્ઞાન કેન્દ્ર જૂનાગઢ જહેમત ઉઠાવી રહિયા છે આ સ્પર્ધા વિષે વધુ જાણકારી માટે લોક વિજ્ઞાન કેન્દ્ર નો સંપર્ક કરવો (પ્રતાપસિંહ ઓરા ૯૪૨૯૪૩૩૪૪૯)જેવી અખબારી યાદીમાં લોક વિજ્ઞાન કેન્દ્ર દ્વારા જણાવેલ હતું
બાયલાયન : અનિરૂધ્ધ સિંહ બાબરીયા – કેશોદ 
