ડાંગ જિલ્લાની કરજડા દુધ ઉત્પાદક સહકારી મંડળીની નોંધણી રદ કરાઇ

વાત્સલ્યમ સમાચાર
મદન વૈષ્ણવ ડાંગ

ડાંગ જિલ્લાના સુબીર તાલુકાની શ્રી મહિલા સંચાલીત કરજડા દુધ ઉત્પાદક સહકારી મંડળી નોંધણી રદ કરાઇ છે. ડાંગના મદદનીશ જિલ્લા રજીસ્ટ્રારશ્રી એચ.ડી.કાછડ તરફથી મળેલી અખબારી યાદીમા જણાવ્યા અનુસાર, સુબીર તાલુકાની શ્રી મહિલા સંચાલીત કરજડા દુધ ઉત્પાદક સહકારી મંડળી લી.ને મંડળી ફડચામા લઈ જવાનો અંતિમ હુકમ કરવામા આવેલ હતો. ફડચા અધિકારીશ્રીના અભિપ્રાય મુજબ ફડચાનુ કામ પુર્ણ થયેથી આ મંડળીની નોંધણી રદ્દ કરવામા આવી છે. જેની સંબંધિતોને નોંધ લેવા જણાવાયુ છે.