MORBI:મોરબી-જેતપર રોડ લાર્સન સીરામીકમાંથી અનઅધિકૃત પેટ્રોલીયમ પ્રવાહી જથ્થો ઝડપાયો
MORBI:મોરબી-જેતપર રોડ લાર્સન સીરામીકમાંથી અનઅધિકૃત પેટ્રોલીયમ પ્રવાહી જથ્થો ઝડપાયો
મોરબી એલસીબી પોલીસે રૂ.૧૧.૫૫ લાખનો અનધિકૃત પેટ્રોલીયમનો જથ્થો, ટ્રક, બોલેરો સહીત રૂ.૩૧.૬૦ લાખનો મુદામાલ કબ્જે કર્યો
મોરબી એલસીબી પોલીસ ટીમે પૂર્વ બાતમીને આધારે મોરબી-જેતપર રોડ ઉપર બેલા ગામ નજીક આવેલ લાર્સન સીરામીકમાં દરોડો પાડતા પોલીસને અનઅધિકૃત પેટ્રોલીયમ પ્રવાહીનો ૧૬,૫૦૦ કી.રૂ. ૧૧,૫૫,૦૦૦/-નો બિનહિસાબી જથ્થો મળી આવ્યો હતો. આ સાથે પોલીસે સ્થળ ઉપરથી ટ્રક ટેન્કર, બોલેરો ટેન્કર સહીત પેટ્રોલીયમના જથ્થાને હેરાફેરીમાં ઉપયોગમાં લેવાતા તમામ વાહનો તથા સાધનો સહિતનો મુદામાલ કબ્જે લઇ આગળની તપાસ ચલાવી છે.
મોરબી એલસીબી પોલીસ ટીમને સયુંકતમાં ખાનગીરાહે હકિકત મળેલ કે, મોરબી-જેતપર રોડ બેલા ગામ પાસે આવેલ લાર્સન સીરામીક કારખાનાની અંદર અમુક ઇસમો ટ્રક ટેંકર નંબર- GJ-39-T-5238 વાળામાંથી બોલેરો પીકઅપ ટેંકર નં-GJ-06-AZ-7597 વાળામાં ગેરકાયદેસર અનઅધિકૃત રીતે ઇન્ડસ્ટ્રીયલ ઓઇલના નામે ભળતા ભેળસેળ યુકત જવલનશીલ પેટ્રોલીયમ પ્રવાહીનો જથ્થો કાઢી હેરાફેરી કરે છે. જે હકીકતને આધારે લાર્સન સીરામીકમાં રેઇડ કરતા મહેશભાઇ ઉર્ફે ભગવાનજીભાઇ અરજણભાઇ દેત્રોજા ઉવ.૪૨ રહે. મોરબી ન્યુ ચંદ્રેશ સોસાયટી પંચાસર રોડ મુનનગર ચોક તા.જી.મોરબી મુળ ગામ કુંભારીયા તા.માળીયા મિ. જી.મોરબી વાળાના કબજામાંથી બીલ કે આધાર પુરાવા વગરનો બિનહિસાબી પેટ્રોલીયમ પ્રવાહીનો ૧૬,૫૦૦ લીટરનો જથ્થો તથા તેને હેરાફેરી કરવા ઉપયોગમાં લેવામાં આવતા વાહનો તથા સાધનો સહીત કુલ કી.રૂ. ૩૧,૬૦,૫૦૦/- નો મુદામાલ કબ્જે લઇ મોરબી તાલુકા પોલીસ સ્ટેશન ખાતે જાણવા જોગ નોંધ કરી આગળની ધોરણસરની કાર્યવાહી હાથ ધરવામાં આવી હતી.
