પડધરીના તરઘડી ગામે સરકારી ખરાબાની જમીન ઉપરનું ગેરકાયદે દબાણ હટાવાયું

તા.૧૫ એપ્રિલ

વાત્સલ્યમ્ સમાચાર

અમુ સિંગલ જેતપુર

રાજકોટ જિલ્લાના પડધરી તાલુકાના તરઘડી ગામે સરકારી ખરાબાની ગામતળ નજીક અંદાજે ૧૦૦૦ ચોરસ મીટર જમીન ઉપર ગામના કેટલાક ઈસમો દ્વારા કાચું-પાકું દબાણ કરવામાં આવ્યું હતું. જમીન મહેસુલ અધિનિયમ અંતર્ગત ઈસમોને ગેરકાયદે દબાણ દૂર કરવા નોટીસ પાઠવવામાં આવી હતી. છતાં પણ આ જમીન ઉપરનું દબાણ હટાવવામાં આવ્યું નહોતું. આથી, રાજકોટ જિલ્લા કલેકટરશ્રી પ્રભવ જોષીના માર્ગદર્શન પ્રમાણે નાયબ કલેકટરશ્રીની સૂચના મુજબ પડધરી તાલુકા મામલતદારશ્રીના નેજા હેઠળ સર્કલ ઓફિસરશ્રી અને રેવન્યુ તલાટીશ્રીની ઉપસ્થિતિમાં આ જમીન ઉપરનું દબાણ હટાવવાની કામગીરી કરીને જમીનને ખૂલ્લી કરાવવામાં આવી હતી, તેમ મામલતદારશ્રીની યાદીમાં જણાવાયું છે.