હાલોલના અરાદ રોડ ખાતે બે આખલાઓ વચ્ચે જામ્યો જંગ.

રિપોર્ટર.કાદીર દાઢી.હાલોલ

તા.૬.૭.૨૦૨૩

હાલોલ નગરમાં ઠેર ઠેર રખડતા ઢોરોનો ત્રાસ વધી રહ્યો છે.જેમાં નગરના મુખ્ય માર્ગો સહિત બજારમાં રોડની વચ્ચે અડિંગો જમાવી બેસી જતા ઢોરોને પગલે નગરજનો ત્રાહિમામ પોકારી ઊઠ્યા છે.જેમાં આજે હાલોલ પાવાગઢ રોડ આવેલ અરાદ રોડ પર બે આખલાઓ વચ્ચે જંગ જામ્યો હતો.જેમાં એકબીજા સાથે બે આખલાઓ વચ્ચે જંગ જામતા સમગ્ર વિસ્તારમાં દોડધામ મચી જવા પામી હતી.અને બંને આંખલાઓ વચ્ચે એક કલાક સુધી ખરાખરીનો જંગ જામતા અફરા તફરી નો માહોલ પણ સર્જાયો હતો.જ્યારે કેટલાક વાહનોને નાનું મોટું નુકસાન પણ થવા પામ્યું હતું.જોકે સ્થાનિકો દ્વારા આંખલાઓને મહામુસીબતે છુટા પાડ્યા હતા.ત્યારે વહીવટી તંત્ર આવા રખડતા ઢોરો વિશે કોઈ નક્કર પગલા ભરે તેવી પણ નગરજનો દ્વારા માંગ ઉઠવા પામી છે.