સ્વચ્છ ભારત મિશન ગ્રામીણ અંતર્ગત જિલ્લા ગ્રામ વિકાસ એજન્સીના નિયામકના અધ્યક્ષસ્થાને બેઠક યોજાઈ.

સ્વચ્છ ભારત મિશન ગ્રામીણ અંતર્ગત જિલ્લા ગ્રામ વિકાસ એજન્સીના નિયામકના અધ્યક્ષસ્થાને બેઠક યોજાઈ.

બ્રિજેશકુમાર પટેલ, ભરૂચ

તા.૨૭/૦૨/૨૦૨૪

ભરૂચ જિલ્લા ગ્રામ વિકાસ એજન્સીના નિયામક કે.જી.વાધેલાની અધ્યક્ષતામાં ભરૂચ જિલ્લામાં સ્વચ્છ ભારત મિશન ગ્રામીણ યોજના હેઠળ તાલુકા કક્ષાએ બીસી અને બ્લોક એન્જિનિયરની કામગીરીની સમીક્ષા માટે મિટિંગ યોજાઇ હતી. ગ્રામ વિકાસ વિભાગ દ્વારા મળેલી સૂચનાઓ મુજબ વર્ષ ૨૦૨૪ – ૨૫ના એન્યુઅલ એમ્પ્લોયમેન્ટ પ્લાન્ટના લક્ષ્યાંક મુજબ ઘટકવાર જરૂરિયાત મુજબ આયોજન તૈયાર કરવા સાથે સાથે ODF ખુલ્લામાં શૌચક્રિયા મુક્ત અને પ્લસ દરેક તાલુકાના વધુમાં વધુ ગામો ઓ.ડી.એફ. પ્લસ નો દરજ્જો પ્રાપ્ત કરે તે દિશામાં પ્રયત્ન કરવા માટે દીશાસૂચન આપવામા આવ્યું હતુ.

વ્યક્તિગત શૌચાલય, સેગરીકેશન શેડ, સામુહિક કંમ્પોસપીટ, સામૂહિક શોકપીટ, ઘન કચરાનું વ્યવસ્થાપન અંગે વિશેષ ભાર મુકાયો હતો. દરેક વિવિધ ઘટકોની કામગીરી ગુણવત્તાયુકત સારી થાય અને ચાલુ વર્ષમાં ફાળવેલ લક્ષ્યાંક સમય મર્યાદામાં પૂર્ણ થાય તે મુજબનુ આયોજન કરી તેને અનુરૂપ કામગીરી કરવા અનુરોધ કયૉ હતો.

આ બેઠકમાં સ્વચ્છ ભારત મિશન ગ્રામીણ યોજનાના તાલુકા કક્ષાનો અને જિલ્લા કક્ષાનો સ્ટાફ હાજર રહ્યો

હતો.