આદર્શ વિદ્યાલય વિસનગરનું નેશનલ કક્ષાએ ગૌરવ

23 જાન્યુઆરી વાત્સલ્યમ્ દૈનિક સમાચાર પાલનપુર બનાસકાંઠા જિલ્લા બ્યુરો

વોલીબોલ અંડર-19 નેશનલ કક્ષાની 67મી સ્કૂલ ગેમ સ્પોર્ટ સંકુલ, પોચોટ મુકામે યોજાઈ હતી. જેમાં શ્રી અખિલ આંજણા કેળવણી મંડળ, વિસનગર સંચાલિત આદર્શ વિદ્યાલયના વિદ્યાર્થી રુદ્ર કાન્તિભાઈ ચૌધરીએ ગુજરાત રાજ્ય તરફથી રમી ગોલ્ડ મેડલ પ્રાપ્ત કર્યો હતો.આમ 67મી નેશનલ સ્કૂલ ગેમ અંડર-19 વોલીબોલ સ્પર્ધામાં ગોલ્ડ મેડલ મેળવી ગુજરાત રાજ્ય અને મહેસાણા જિલ્લા તેમજ આદર્શ વિદ્યાલય, વિસનગરનું નેશનલ કક્ષાએ નામ રોશન કરવા બદલ શ્રી અખિલ આંજણા કેળવણી મંડળ, વિસનગરના પ્રમુખશ્રી તથા અન્ય હોદ્દેદારશ્રીઓ, આચાર્યશ્રી તથા આદર્શ શૈક્ષણિક સંકુલના તમામ સ્ટાફ મિત્રોએ વિદ્યાર્થી રુદ્ર કાન્તિભાઈ ચૌધરી અને વ્યાયામ શિક્ષકશ્રી રમેશચંદ્ર વી. ચૌધરીને ખૂબ ખૂબ અભિનંદન પાઠવ્યા હતા.