Dang: હનવતચોંડ ગામ પાસે હાઇવા ટ્રકે ઉભી બાઈકને ટક્કર મારી પલ્ટી મારી જતા ચાલકનું મોત

વાત્સલ્યમ સમાચાર
મદન વૈષ્ણવ
તાપી જિલ્લાનાં સોનગઢ તાલુકાનાં સિંગપુર ગામના કિરણભાઇ દિલીપભાઈ ગામીતે પોતાના હવાલાનો હાઇવા ટ્રક રજી.નં. GJ-26-T-9602 ને  પુરઝડપે અને ગફલતભરી રીતે હંકારી લાવી ડાંગ જિલ્લાનાં કાલીબેલથી પિંપરી જતા રોડ ઉપર હનવંતચોંડ ગામનાં જામણીપાણી ફળીયાના વળાંક પાસેથી પસાર થઈ રહ્યો હતો.ત્યારે ટ્રક ચાલકે અચાનક જ સ્ટેરીંગ પરનો કાબુ ગુમાવી દેતા આ ટ્રક રોડની ડાબી સાઇડે ડિવાઈડર પ્રોટેક્શન દિવાલ સાથે તથા રોડની સાઈડમાં ઉભેલ મોટર સાઈકલ નં.GJ -26-J-1763 અથડાવી દઈ પલ્ટી મારી જતા ગંભીર અકસ્માત સર્જાયો હતો.આ અક્સ્માતનાં બનાવમાં હાઇવા ટ્રક ચાલક નામે કિરણ ગામીતને શરીરે ગંભીર ઇજાઓ પહોંચતા તેનું સ્થળ પર જ કમકમાટીભર્યુ મોત નીપજ્યુ હતુ.આ અકસ્માતને લઈને વઘઈ પોલીસે ગુનો નોંધી આગળની કાર્યવાહી હાથ ધરી છે..