તા.૧૮/૧/૨૦૨૪
વાત્સલ્યમ્ સમાચાર
અમુ સિંગલ જેતપુર
અન્ય યોજનાકીય લાભોનું વિતરણ, સંકલ્પ ગ્રહણ, ડ્રોન નિદર્શન, અનિભંદનપત્ર એનાયત, ખેડૂત વાર્તાલાપ યોજાયા
Rajkot: વિકસિત ભારત સંકલ્પ યાત્રા’ના રથનું રાજકોટ તાલુકાના લાપાસરી અને હલેન્ડા ડુંગરપુર ખાતે લોકો દ્વારા ઉમળકાભેર સ્વાગત કરાયું હતું આ કાર્યક્રમમાં આરોગ્ય કેમ્પ યોજાયો હતો,જેનો ૮૦૦થી વધુ ગ્રામજનોએ લાભ લીધો હતો. અને વિવિધ લાભાર્થીઓને આયુષ્માન કાર્ડ,પાક સંરક્ષણ તેમજ કૃષિ યાંત્રિકીકરણ સહિતની યોજનાઓના લાભો વિતરિત કરવામાં આવ્યા હતાં.
આ તકે સરકારશ્રીની પાક સંરક્ષણ યોજનાનો લાભ મેળવનાર લાભાર્થી શ્રી રમેશભાઈ રોકડ તથા આયુષ્માન ભારત યોજનાનો લાભ મેળવનાર લાભાર્થી શ્રી સંજયસિંહ રેવરે ‘મેરી કહાની મેરી જુબાની’ અંતર્ગત સરકારની કલ્યાણકારી યોજનાથી થયેલા લાભ અંગે પોતાની કહાની રજૂ કરી હતી. શિબિરમાં સામાન્ય આરોગ્ય તપાસ સાથે જ સિકલ સેલ એનિમિયા તેમજ ટી.બી.સ્ક્રિનિંગ કરવામાં આવ્યું હતું તથા ડ્રોન પ્રદર્શન, સોઈલ હેલ્ડ કાર્ડ અંગે તેમજ કુદરતી ખેતી કરતા ખેડૂતો સાથે વાર્તાલાપ યોજાયો હતો.
આ બંને ગામોમાં ૧૦૦ ટકા આયુષ્માન કાર્ડ નીકળ્યા છે તેમજ ગામ પંચાયતોમાં જલજીવન મિશન, જનધન યોજના તેમજ જમીનના રેકોર્ડનું ડિજીટાઈઝેશન ૧૦૦ ટકા પૂર્ણ થયું છે. તદુપરાંત ઓડીએફ+ એટલે કે હર ઘર શૌચાલયથી સજજ છે તેમજ હર ઘર જલ મિશનની ૧૦૦% કામગીરી બદલ તેને અભિનંદન પત્ર એનાયત કરવામાં આવ્યા હતા તથા સ્થાનિક રમતવીરો, કલાકારો અને વિદ્યાર્થીઓને સન્માનિત કરાયા હતા. આ અવસરે લોકોએ દેશની એકતા, અખંડિતતા અને પ્રભુતા જાળવી રાખવા સાથે દેશને ૨૦૪૭ સુધીમાં વિકસિત ભારત બનાવવા માટે પુરુષાર્થ કરવાનો સંકલ્પ લીધો હતો.
આ કાર્યક્રમમાં લાપાસરીના સરપંચ શ્રી કુલદીપસિંહ ભટ્ટી,ઉપસરપંચશ્રી જલ્પા ચૌહાણ, હલેન્ડા ડુંગરપુરના સરપંચ શ્રી બાબુભાઈ સોમાભાઈ, ઉપસરપંચશ્રી દિનેશભાઈ સાવલીયા સભ્યશ્રીઓ જીજ્ઞેશભાઈ રોકડ, હિતેશભાઈ બરાળીયા તથા બહોળી સંખ્યામાં ગ્રામજનો ઉપસ્થિત રહ્યા હતા.
