ડાંગ: દીપદર્શન ઈંગ્લીશ મીડીયમ શાળાની શિક્ષિકાએ વિધાર્થીને ઢોર માર માર્યો ,સંચાલકો દ્વારા વિધાર્થીને ના પાસ કરવાની ધમકી..

વાત્સલ્યમ સમાચાર
મદન વૈષ્ણવ ડાંગડાંગ જિલ્લાનાં વહીવટી મથક આહવા ખાતે આવેલ દીપદર્શન શાળામાં જુનિયર કેજીમાં અભ્યાસ કરતા માસૂમ બાળકને શિક્ષકા દ્વારા ઢોર માર મરાતા શિક્ષણ જગતમાં ઘેરા પ્રત્યાઘાતો પડવા પામ્યા છે…. .પ્રાપ્ત વિગતો અનુસાર ડાંગ જિલ્લાનાં વહીવટી મથક આહવા ખાતે આવેલી પ્રતિષ્ઠિત દીપદર્શન ઈંગ્લીશ મીડીયમ માધ્યમની શાળામાં શિક્ષિકા દ્વારા માસૂમ બાળકને ઢોર માર મારવાની ઘટના પ્રકાશમાં આવતા જિલ્લામાં ઘેરા પ્રત્યાઘાતો પડ્યા છે.ડાંગ જિલ્લાની દીપદર્શન ઈંગ્લીશ મીડીયમ શાળામાં જુનિયર કેજીમાં અભ્યાસ કરતો સમર્થકુમાર અરૂણ સોનવણે ઉ.5.રે. આહવાને શાળાનાં શિક્ષિકા દ્વારા અંગ્રેજી વિષયની પરીક્ષામાં ધીમુ લખવા બાબતેની નજીવી ભૂલની આકરી સજા આપી છે.આ દીપદર્શન શાળાની શિક્ષિકાએ શિક્ષણની ગરીમાને ભૂલી જઈ માસૂમ બાળકને ઢોર માર મારી ધીબી નાખતા આ માસૂમ બાળકનાં શરીરે લાલ લીસોટા પડી જવા પામ્યા હતા.જોકે આ બનાવની જાણ બાળકે ઘરે આવી માતાને કરતા માતા પિતા શાળામાં દોડી ગયા હતા.પરંતુ શાળા સંચાલકો દ્વારા પણ બાળકને નાપાસ કરવાની ધમકી આપી કેસ ન કરવા બાબતે માતા પિતા પર દબાણ કરતા નિસહાય બન્યા હતા.તેવામાં દીપદર્શન શાળાનાં ઈંગ્લીશ મીડીયમમાં જુનિયર કેજીનાં વિદ્યાર્થીને માર મરાયા હોવાનાં ફોટા સોશિયલ મીડિયામાં વાયરલ થતા ડાંગ શિક્ષણ જગતમાં કલંકિત ઘટના લેખાવાની સાથે ઘેરા પ્રત્યાઘાત પડ્યા છે.ત્યારે આ સમગ્ર ઘટના માટે જવાબદાર દીપદર્શન શાળાનાં સંચાલકો અને માર મારનાર શિક્ષિકા સામે કડક પગલા ભરાય તેવી માંગ ઉઠવા પામી છે.——————————————————–

દીપદર્શન શાળામાં ઈંગ્લીશ મીડીયમમાં ભણતા માસૂમ વિદ્યાર્થીને માર મરાયોની ઘટના પ્રકાશમાં આવતા ડાંગ જિલ્લા શિક્ષણ અધિકારી વી.ડી.દેશમુખ અને પ્રાથમિક શિક્ષણ અધિકારી નરેન્દ્રભાઈ ઠાકરે તુરંત જ શાળામાં દોડી ગયા.દીપદર્શન શાળાની કલંકિત ઘટનાને લઈને સમગ્ર જિલ્લામાં ઘેરા પ્રત્યાઘાત પડ્યા છે.ત્યારે આ બાબતે જિલ્લા પ્રાથમિક શિક્ષણ અધિકારી નરેન્દ્રભાઈ ઠાકરેએ જણાવ્યુ હતુ કે માસૂમ બાળકને માર મરાયાની ઘટના ઘણી દુઃખદ બાબત છે.આ સમગ્ર બાબતે અમોએ વાલીને મળીને તુરંત જ રિપોર્ટનાં આદેશ કરી તપાસ સોંપી દેવામાં આવી છે.આ ઘટનામાં જે પણ જવાબદાર હશે તેની સામે કડક કાર્યવાહી કરવામાં આવશે.ડાંગ જિલ્લામાં આવી ઘટનાને ચલાવી લેવામાં આવશે નહી..