રમઝાન પવિત્ર માસના પહેલા જ દિવસે થયા 67 લોકોના મોત

ઈઝરાયેલની કાર્યવાહીના કારણે રમઝાન મહિનામાં પણ ગાઝામાં અંધકાર, ભૂખમરો અને ચારે તરફ બેહાલીના દ્રશ્યો જોવા મળી રહ્યા છે. જોકે આવી સ્થિતિમાં પણ લોકોએ રોઝા રાખવાનું શરૂ કર્યુ છે. પેલેસ્ટાઈનમાં ઈઝરાયેલી હુમલાના કારણે માનવીય સંકટ ઘેરુ બની રહ્યું છે. અમેરિકા, કતાર અને ઈજિપ્તને આશા હતી કે, રમઝાન મહિના પહેલા યુધ્ધ વિરામ થશે અને તેના ભાગરુપે ઈઝરાયેલની જેલોમાં પુરાયેલા પેલેસ્ટાઈનના લોકો તેમજ હમાસે બંધક બનાવેલા ઈઝરાયેલી નાગરિકોની અદલા બદલી થશે પણ એવું શક્ય નથી બન્યું. હવે તો રમઝાન મહિનો શરૂ પણ થઈ ગયો છે ત્યારે ઈઝરાયેલે હુમલા નહીં રોક્યા હોવાથી યુધ્ધ વિરામની શક્યતાઓ ધૂંધળી બની ચુકી છે.ગાઝાના સ્વાસ્થ્ય મંત્રાલયના જણાવ્યા અનુસાર, રમઝાનના પહેલા દિવસે 67 લોકોના મોત થયા છે અને તેમાં 75 ટકા મહિલાઓ અને બાળકો છે.