લુણાવાડા ખાતે જિલ્લા પ્રભારી મંત્રી બચુભાઈ ખાબડના અધ્યક્ષસ્થાને વર્ચ્યુઅલ માધ્યમથી જિલ્લા આયોજન મંડળની બેઠક યોજાઈ
વાત્સલ્ય સમાચાર આસીફ લુણાવાડા
જિલ્લા પ્રભારી મંત્રી બચુભાઈ ખાબડના અધ્યક્ષસ્થાને વર્ચ્યુઅલ માધ્યમથી જિલ્લા આયોજન મંડળની બેઠક યોજાઈ
જિલ્લા આયોજન મંડળ દ્વારા વર્ષ ૨૦૨૪-૨૫ અંતર્ગત રૂ.૯૩૫.૪૩ લાખના કુલ ૧૦૨૪ જનહિતના વિકાસકાર્યોને મંજૂર કરાયા
મહીસાગર જિલ્લાના પ્રભારી મંત્રી બચુભાઈ ખાબડનાં અધ્યક્ષસ્થાને ગાંધીનગર સરસ્વતી હોલ ખાતેથી વર્ચ્યુઅલ માધ્યમથી જિલ્લા આયોજન મંડળની બેઠક કલેકટર કચેરી, લુણાવાડા ખાતે યોજાઈ હતી.
જેમાં વર્ષ ૨૦૨૪-૨૫ વિકેન્દ્રિત જિલ્લા આયોજનની વિવિધ જોગવાઈઓ હેઠળ જિલ્લાના છ તાલુકાઓ અને ત્રણ નગરપાલિકાઓ મળીને કુલ રૂ. ૯૩૫.૪૩ લાખના વિવિધ વિકાસકામોને સર્વાનુમતે મંજૂરી આપવામાં આવી હતી.
આ બેઠકમાં મંત્રી બચુભાઈ ખાબડ એ જણાવ્યું હતું કે, રાજ્ય સરકાર સર્વે વિસ્તારોના સર્વાંગી વિકાસ માટે પ્રતિબદ્ધ છે અને દરેક વિકાસકામ સમયમર્યાદામાં ગુણવત્તાસભર થાય તે ખૂબ જ આવશ્યક છે. જે અનુસંધાને પદાધિકારી-અધિકારીઓ અને વિવિધ વિભાગો વચ્ચે પરસ્પર સંકલન જાળવી કામ કરવું ખૂબ જ જરૂરી છે.વધુમાં સંસદસભ્યની ગ્રાન્ટ સંબંધિત કામો વહેલી તકે પૂર્ણ કરવાનું સૂચન કર્યું હતું.
