સેગવા ગામ પાસેથી જીવ દયા ની ટીમે ટ્રકમાં ક્રૂરતાપૂર્વક બાંધીને ગાયો ભરીને જતી ટ્રક ને ઝડપી પાડી

મળતી માહિતી અનુસાર વડોદરાની જીવદયા ની ટીમને આજરોજ બાતમી મળી હતી કે સેગવા થી રાજપીપળા તરફ ગાયો ભરેલી ટ્રક પસાર થનાર છે.જે બાતમીના આધારે વડોદરાની જીવદયા ની ટીમ શિનોર તાલુકાના સેગવા ખાતે વોચમાં હતી.તે સમય દરમિયાન સેગવા – રાજપીપળા માર્ગ પરથી એક શંકાસ્પદ ટ્રક પસાર થતાં તેનો પીછો કરી મહાદેવ હોટલ નજીકથી તેને ઝડપી પાડી હતી.જે બાદ ટ્રકમાં તપાસ કરતાં ટ્રકમાંથી 18 જેટલી નાની મોટી ગાયો ગીચોગીચ બાંધેલી મળી આવી હતી.જેથી ટ્રકમાં બાંધેલ ગાયો સહિત ત્રણ લોકોને પોલીસને સોંપવામાં આવ્યા હતાં. પોલીસે ત્રણ વ્યક્તિઓની ધરપકડ કરી,તેઓ સામે ગુનો નોંધી કાયદેસરની કાર્યવાહી હાથ ધરી હતી. અને ત્યારબાદ ગાયોને પાંજરાપોળ ખાતે મોકલી આપી હતી.

ફૈઝ ખત્રી… શિનોર