સતીશ ધવન સ્પેસ સેન્ટરથી આદિત્ય L1ની સફળ ઉડાન

ચંદ્રયાન-3ના સફળ લેન્ડિંગ પછી ભારતીય અવકાશ સંશોધન સંસ્થા (ઇસરો) સૂર્યનો અભ્યાસ કરવાની તૈયારી કરી રહ્યું છે. આ માટે આજે સવારે નિર્ધારિત સમયે PSLV XL રોકેટનો ઉપયોગ કરીને આદિત્ય L1 અવકાશયાન શ્રી હરિકોટાથી લોન્ચ કરવામાં આવ્યું છે.

આદિત્ય L1ને રોકેટ પૃથ્વીની નીચલી ભ્રમણકક્ષામાં છોડશે. લગભગ 63 મિનિટ 19 સેકન્ડ પછી અવકાશયાન 235 x 19500 કિમીની ભ્રમણકક્ષામાં પહોંચશે. આદિત્ય અવકાશયાન લગભગ 4 મહિના પછી લેગ્રેન્જ પોઈન્ટ-1 (L1) પર પહોંચશે. આ બિંદુ ગ્રહણથી પ્રભાવિત નથી, જેના કારણે અહીંથી સૂર્યનો સરળતાથી અભ્યાસ કરી શકાય છે. આ મિશનનો અંદાજિત ખર્ચ 378 કરોડ રૂપિયા છે.