ઉત્તરાખંડ સરકારે પેપરલીક કે નકલ કરનાર સામે કડક કાર્યવાહી માટે નિયમ ઘડ્યો છે. જેમાં પેપરલીક કરવું કે પછી નકલ કરી તો 10 કરોડનો દંડ ભરવો પડશે. રાજ્યમાં સ્પર્ધાત્મક પરીક્ષાઓમાં હવે નકલ કરતા તેમજ પેપરલીક કરનારાઓ સામે ઉત્તરાખંડ સરકારે નકલ વિરોધી કાયદો લાગુ કરી દીધો છે. આ કાયદા માટેના વટહુકમમાં હવે પેપર લીક કરવા, નકલ કરવી અથવા ભરતી પરીક્ષાઓમાં ગેરરીતિ કરવી તેમજ આ ગુનામાં સામેલ થનારને આજીવન કેદની જોગવાઈ કરી છે. અને આ ગુનામાં જામીન મળવાપાત્ર રહેશે નહી. તેમજ બિનજામીનપાત્ર ગુનામાં ગુનેગારોની તમામ સંપત્તિ જપ્ત કરવામાં આવશે. આ સાથે 10 કરોડ રૂપિયા સુધીનો દંડ પણ ભરવાના કાયદા માટેના વટહુકમ કર્યો છે.
આ વટહુકમને ઉત્તરાખંડમાં તેના અમલીકરણની તારીખથી જ લાગુ કરી દેવામાં આવ્યો છે.આ સાથે આ વટહુકમમાં સંગઠિત છેતરપિંડી અને અન્યાયી માધ્યમોમાં સંડોવાયેલા કેસોમાં નાણાકીય દંડની સાથે કેદની જોગવાઈઓ દર્શાવવામાં આવી છે. આ વટહુકમ હેઠળ ઉત્તરકાશી જિલ્લામાં હાલમાં એક કેસ પણ નોંધવામાં આવ્યો છે. જેમા આરોપી અરુણ કુમારે પરીક્ષા વિશેની માહિતી ઈરાદાપુર્વક ફેલાવવાનો આરોપ લાગેલો છે.
આ કાયદા હેઠળ પેપરલીક કરવા અને નકલ કરનારા લેભાગુ તત્વોને આજીવન કેદ અથવા 10 વર્ષની જેલની સાથે 10 કરોડ રૂપિયાનો દંડ ફટકારવાની જોગવાઈ દર્શાવવામાં આવી છે. આ ઉપરાંત પેપરલીક અને નકલ કરનાર તત્વોની મિલકત પણ જપ્ત કરવાની પણ જોગવાઈ છે. ઉત્તરાખંડના આ નકલ વિરોધી કાયદાની જોગવાઈ મુજબ પેપર લીક કરનારા વિદ્યાર્થીઓ સામે પણ કડક કાર્યવાહી કરવામાં આવશે. તેમજ કાયદામાં એવી પણ જોગવાઈ કરવામાં આવી છે કે, જો કોઈ વિદ્યાર્થી સ્પર્ધાત્મક પરીક્ષાઓમાં પેપર લીક કરવા અથવા છેતરપિંડી કરીને પરીક્ષા પાસ કરેલ માલુમ પડશે તો તે વિદ્યાર્થી પર 10 વર્ષનો પ્રતિબંધ લગાવવામાં આવશે.
