ફરી 7.6ની તીવ્રતાનો શક્તિશાળી ભૂકંપ

દક્ષિણ પ્રસાંત મહાસાગર સ્થિત ટાપુ દેશ ટોંગામાં મોડી રાત્રે 7.6ની તીવ્રતાનો ભૂકંપ આવ્યો હતો. યુનાઇટેડ સ્ટેટ્સ જિયોલોજિકલ સર્વેએ જણાવ્યું હતું કે ટોંગાના હિહિફોથી 95 કિમી પશ્ચિમ ઉત્તર-પશ્ચિમમાં 7.6ની તીવ્રતાનો ભૂકંપ આવ્યો હતો. જેનું કેન્દ્ર પૃથ્વીથી 210.1 કિમીની ઊંડાઈ પર નોંધાયુ હતું. યુએસ સુનામી વોર્નિંગ સિસ્ટમે જણાવ્યું હતું કે ભૂકંપ બાદ સુનામીની કોઈ ચેતવણી જારી કરવામાં આવી નથી. હાલ ભૂકંપના કારણે કોઈ જાનહાનિની થઈ નથી.

અફઘાનિસ્તાનના ફૈઝાબાદમાં વહેલી સવારે ભૂકંપના આંચકા અનુભવાયા હતા. આ અંગે માહિતી આપતા નેશનલ સેન્ટર ફોર સિસ્મોલોજીએ જણાવ્યું હતું કે રિક્ટર સ્કેલ પર 4.5ની તીવ્રતાના ભૂકંપના આંચકા અનુભવાયા હતા. આજે વહેલી સવારે અંદાજે 5.51 વાગ્યે ભૂકંપના આંચકા અનુભવાયા હતા. આ ભૂકંપમાં પણ કોઈ જાનહાનિના થઈ નથી.