વાંકાનેર તાલુકાના તરકિયા નજીક જાહેર માર્ગ ઉપર બ્લાસ્ટ કરનાર વનરાજ ઝડપાયો : અન્ય બે આરોપીના નામો પણ ખુલ્યા
વાંકાનેર તાલુકાના તરકિયા નજીક જાહેર માર્ગ ઉપર બ્લાસ્ટ કરનાર વનરાજ ઝડપાયો : અન્ય બે આરોપીના નામો પણ ખુલ્યા
મોરબી એલસીબી ટીમે વાંકાનેરના તરકિયા ગામની સીમમાં જરીયા મહાદેવ મંદિર તરફ જવાના માર્ગ પર જાહેરમાં વિસ્ફોટ કરનાર એક શખ્સને વિસ્ફોટ પદાર્થના જથ્થા સાથે ઝડપી લીધો હતો સાથે જ ૧ લાખનો મુદામાલ કબજો કર્યો ઉપરાંત ઝડપાયેલા આરોપી દ્વારા અન્ય બે આરોપીના નામ કબુલતા ત્રણેય વિરુદ્ધ એક્સપલોઝીવ એકટ સહિત કલમો મુજબ ગુન્હો દાખલ કર્યો હતો.
મળતી માહિતી મુજબ વાંકાનેર તાલુકાના તરકિયા ગામની સીમમાં જરીયા મહાદેવ તરફ જવાના માર્ગ પર વિસ્ફોટ કરવામાં આવી રહ્યાની બાતમી આધારે મોરબી એલસીબી ટીમે રેડ પાડી સ્થળ પરથી આરોપી વનરાજ બેચરભાઈ હડાણી રહે. અદેપર વાળા શખ્સને સુપર પાવર એમયૂલેશન ટોટા નંગ ૧૨૧ કીં.રૂ ૧૮૧૫ , ડિટોનેટર કેપ નંગ ૩૩ કિં રૂ ૬૬૦ એક્સપલોઝીવ પદાર્થ સાથેનો વાયર, એક ટ્રેકટર, એક કમ્રેસર અને મોબાઈલ ફોન મળી કુલ રૂ. ૧,૦૮,૫૨૫ના મુદામાલ સાથે ઝડપી લઈ ધોરણેસરની કાર્યવાહી હાથ ધરવામાં આવી હતી
