તા.૬ જૂન
વાત્સલ્યમ્ સમાચાર
જકોટની જામનગર રોડ પર આવેલી સરકારી ઔદ્યોગિક તાલીમ સંસ્થામાં ઓગસ્ટ ૨૦૨૩ ભરતી સત્ર અંતર્ગત વિવીધ ટ્રેડમાં પ્રવેશ પ્રક્રિયા શરૂ કરવામાં આવી છે.
૨ વર્ષના તાલીમ સમયગાળાના વાયરમેન, એટેન્ડન્ટ ઓપરેટર ઇન કેમિકલ પ્લાન્ટ(AOCP), ફિટરના કોર્સ તેમજ ૧ વર્ષના સમયગાળાના કોમ્યુટર ઓપરેટર એન્ડ પ્રોગ્રામિંગ આસિસ્ટન્ટ (COPA), મિકેનિક ડીઝલ(M.D.), હેલ્થ સેનેટરી ઈન્સ્પેકટર(HSI), ફિઝિયોથેરાપી ટેકનિશીયન, કોસ્મેટોલોજી કોર્સ માટે ધોરણ ૧૦ પાસ વિદ્યાર્થીઓ અરજી કરી શકશે. ડ્રેસ મેકીંગના ૧ વર્ષના કોર્સ માટે ૮ પાસ વિદ્યાર્થીઓ અરજી કરી શકશે.
પ્રવેશ માટે ઇચ્છુક વ્યક્તિઓ જાહેર રજા સિવાયના દિવસોમાં સવારના ૧૦ થી સાંજે ૫ કલાક દરમ્યાન સરકારી ઔદ્યોગિક તાલીમ સંસ્થા, નાગેશ્વર મંદિર પાસે, શેઠનગર સામે, જામનગર રોડ, રાજકોટ ખાતે રૂબરૂ અથવા ૯૮૨૪૪૧૨૦૮૮, ૮૧૨૮૬૫૧૩૮૮ પર સંપર્ક કરી શકશે. ઓનલાઈન પ્રવેશ ફોર્મ https://itiadmission.gujarat.gov.in પર ભરી શકાશે. પ્રવેશ માટે ફોર્મ ભરવાની અંતિમ તારીખ ૨૫/૦૬/૨૩ છે, તેમ જામનગર રોડ આઈ.ટી.આઇ.ના આચાર્યશ્રીની યાદીમાં જણાવ્યું છે.
