તા.૧૧/૭/૨૦૨૩
વાત્સલ્યમ્ સમાચાર
પ્રાદેશિક વાહન વ્યવહાર કચેરી, રાજકોટ દ્વારા એચ.જી.વી. પ્રકારના વાહનો માટે GJ-03-BY અને GJ-03-BZ સિરીઝનું ઓનલાઇન ઓક્શન તા. ૧૭ જુલાઇ થી શરૂ કરવામાં આવનાર હોવાથી ગોલ્ડન-સિલ્વર કે અન્ય પસંદગીના નંબર મેળવવા માટે ઇચ્છુક વાહનમાલિકો તેમના વાહનનું રજિસ્ટ્રેશન કરી http://parivahan.gov.in/fancy પર ઓનલાઈન રજિસ્ટ્રેશન કરી રી-ઓક્શનમાં ભાગ લઈ શકશે.
નવી સીરિઝના ગોલ્ડન, સીલ્વર કે અન્ય પસંદગીના નંબર મેળવવા માટે તા.૧૭-૦૭-૨૦૨૩ થી ૧૯-૦૭- ૨૦૨૩ ઓનલાઇન એપ્લીકેશન કરવાની રહેશે. તેમજ તા ૧૯-૦૭-૨૦૨૩ થી ૨૧-૦૭-૨૦૨૩ના સાંજે ૦૪:૦૦ કલાક સુધી ઓનલાઇન ઓકશનમાં બિડિંગ પ્રક્રિયા પૂર્ણ થયા બાદ તા ૨૨-૦૭-૨૦૨૩ ના રોજ કચેરીમાં ફોર્મ જમા કરાવવાના રહેશે.
અરજદારોએ ઓનલાઈન એપ્લિકેશન કરવા માટે parivahan.gov.in વેબસાઇટ પર જઈ ઓનલાઇન સર્વિસ પર ક્લિક કરવું. ત્યાર બાદ fancy number booking પર ક્લિક કરીને પબ્લિક યુઝર પર આઈ.ડી. બનાવવાનું રહેશે. અને સી.એન.એ ફોર્મ ઓનલાઈન ભર્યા બાદ તેમાં પસંદગીનો નંબર સિલેક્ટ કરી ઓનલાઇન ફી ભર્યા બાદ બિડિંગ હરરાજીમાં ભાગ લઈ શકાશે. ત્યાર બાદ પાંચ દિવસમાં હરરાજીની બાકીની રકમ ભર્યા બાદ આર.ટી.ઓ. માંથી એપ્રુવલ લઈ નંબર મેળવી વાહન ખરીદીના સાત દિવસમાં અરજદારે સી.એન.એ.ફોર્મ ભરવાનું રહેશે તેમ પ્રાદેશિક વાહન વ્યવહાર અધિકારીશ્રીની યાદીમાં જણાવાયું છે.
