Navsari: વિધાનસભાના નાયબ મુખ્ય દંડક વિજયભાઈ પટેલ વાંસદાના સિણધઇ ગામે ‘વિકસિત ભારત સંકલ્પ યાત્રા’માં વિશેષ ઉપસ્થિતિ
વાત્સલ્યમ સમાચાર
મદન વૈષ્ણવ
કેન્દ્ર અને રાજ્ય સરકારની યોજનાઓની જાણકારી લોકો સુધી પહોંચી શકે તે માટે માન.વડાપ્રધાન શ્રી નરેન્દ્રભાઇ મોદી દ્વારા ‘વિકસિત ભારત સંકલ્પ યાત્રા’નો પ્રારંભ કરવામાં આવ્યો છે. જે અંતર્ગત વાંસદા તાલુકાના સિંણધઇ ગામે આવી પહોંચેલી યાત્રાને ગ્રામજનોએ ઉમળકાભેર આવકારવામાં આવ્યો હતો.
આ અવસરે સિણધઇ ગામે આયોજિત કાર્યક્રમમાં નાયબ મુખ્ય દંડક શ્રી વિજયભાઇ પટેલ અને મહાનુભાવોના હસ્તે લાભાર્થીઓને કીટ વિતરણ, સહાય પ્રમાણપત્ર, કાર્ડ વિતરણ તથા કીટ વિતરણ કરવામા આવ્યા હતા.
આ પ્રસંગે નાયબ મુખ્ય દંડક શ્રી વિજયભાઇ પટેલે કેન્દ્ર અને રાજય સરકારની વિવિધ યોજનાઓનો લાભ લેવા જણાવ્યું હતું. કોઇપણ વ્યકિત સરકારશ્રીની યોજનાના લાભથી વંચિત રહી ન જાય તેની તકેદારી આપણે સૌએ રાખવી જોઇએ.
કાર્યક્રમ સ્થળે પોષણયુક્ત આહારનું નિદર્શન સ્ટોલ, આરોગ્ય વિભાગ દ્વારા વિનામૂલ્યે આરોગ્યની તપાસ, પશુપાલન ખાતાની સહાયકારી યોજનાઓ,જન સુરક્ષા અભિયાન, ઉજ્જવલા યોજના વગેરે વિભાગની યોજનાઓ અંગેના સ્ટોલ ઉભા કરી ગ્રામજનોને માહિતગાર કરવામાં આવ્યા હતા.પ્રાકૃતિક કૃષિ તરફ ખેડૂતોને માર્ગદર્શિત કરતું ‘ધરતી કહે પુકાર કે’ નાટક રજૂ કરવામાં આવ્યું હતું.
કાર્યક્રમના ભાગરૂપે વિકસિત ભારતનો સંદેશ આપતા વડાપ્રધાનશ્રીની કાર્યક્રમ સંબંધિત ફિલ્મનું નિદર્શન, યોજનાકિય સાહિત્યનું વિતરણ કરવામાં આવ્યું હતું . આ કાર્યક્રમમાં તાલુકા પંચાયત પ્રમુખશ્રી દિપ્તીબેન પટેલ, જિલ્લા પંચાયત સભ્યશ્રી સુમિત્રાબેન પટેલ, તાલુકા વિકાસ અધિકારીશ્રી રાજેન્દ્ર પરમાર સહિત સ્થાનિક પદાધિકારીઓ, સરપંચશ્રી,કર્મચારીઓ, રથના ગ્રામ્ય અને તાલુકાના નોડલ ઓફિસરો, ગ્રામજનો વગેરે ઉપસ્થિત રહ્યા હતા.
