મોરબીની ધ ફન હોટેલ પાસેથી દેશી પિસ્તોલ સાથે ઇસમ ઝડપાયો

મોરબી એસઓજી ટીમ જીલ્લામાં ગેરકાયદેસર હથિયાર રાખતા ઇસમોને શોધી કાઢવા પેટ્રોલિંગમાં હોય દરમિયાન મોરબી કંડલા નેશનલ હાઈવે રોડ પર ધ ફન હોટેલ પાસે એક ઇસમ ઉભો હોય જેની પાસે દેશી હાથ બનાવટની પિસ્તોલ હોવાની બાતમી મળતા ટીમે વોચ ગોઠવી હતી અને ધ ફન હોટેલ પાસેથી આરોપી અમિતસિંહ જીતુભા સોલંકી (ઉ.વ.૩૭) રહે જનકપૂરી સોસાયટી, મોરબી કંડલા નેશનલ હાઈવે રોડ મોરબી મૂળ રહે કારલી બહુચરાજી જી મહેસાણા વાળાને ઝડપી લીધો હતો

જે આરોપી પાસેથી ગેરકાયદેસર દેશી બનાવટની પિસ્તોલ નંગ ૦૧ કીમત રૂ ૧૦,૦૦૦ અને જીવતા કાર્ટીસ નંગ ૦૨ કીમત રૂ ૨૦૦ મળીને કુલ રૂ ૧૦,૨૦૦ ની કિમતનો મુદામાલ જપ્ત કરી આરોપી વિરુદ્ધ બી ડીવીઝન પોલીસ મથકમાં આર્મ્સ એક્ટ મુજબ ગુનો નોંધી ધોરણસરની કાર્યવાહી હાથ ધરી છે