જાણીતા ટિકટોક સ્ટાર અને યુટ્યૂબર પર એવા ઓમ બારૈયાનું નવું સોંગ ‘નમું હનુમાન ‘તારીખ 1 ઓગસ્ટ 2023ના રોજ બોટાદના સાળંગપુર હનુમાનજીના મંદિર ખાતે કોઠારી સ્વામીજીના હસ્તે લોન્ચ કરવામાં આવ્યું હતું.
આ સંપૂર્ણ પ્રોજેક્ટ તેમના પુજનીય દેવતાને સમર્પિત છે. ‘નમું હનુમાન’ ગીત સંગીતમય અને આધ્યાત્મિક પ્રવાસનું વચન આપે છે જેની સાથે લોકો જોડાશે આ સાથે તેમણે એવી આશા વ્યક્ત કરી હતી કે આ ગીત લોકોના હૃદયને સ્પર્શ છે અને પરમાત્મામાં તેમની શ્રદ્ધા અને વધુ મજબૂત કરશે.
ગીતની વિશેષતાઓની વાત કરીએ તો ગીતનું સંપૂર્ણપણે શૂટિંગ વિશ્વવિખ્યાત અને વિશાળ હનુમાનજીની પ્રતિમા સમક્ષ કરવામાં આવ્યો છે અને આ પ્રકારનું આ પ્રથમ ગીત છે. અરવિંદ બારૈયા દ્વારા આ ગીતને પ્રોડ્યુસ કરવામાં આવ્યું છે જ્યારે જીગરદાન ગઢવી અને દેવરાજ ગઢવી (નાનો ડેરો)ના અવાજમાં ગીતને સ્વરબદ્ધ કરવામાં આવ્યો છે. મિલિંદ ગઢવીના ગહન શબ્દોથી ગીત અર્થ સભર બન્યું છે. તો રાહુલ મુજારિયાએ તેને સંગીતમાં પરોવ્યું છે. મિલન જોશીનું એડિટિંગ અને ડિરેક્શન આ ગીતને ઉત્તમ બનાવે છે. તેમાં વિજુ પટેલ પ્રોડક્શન હેડ અને ડીઓપી જયેશ કૌશિક છે. આ ગીતનું મિક્સ અને માસ્ટર્ડ રાકેશ મુજારિયા દ્વારા કરાયું છે.
એસીશિએટ ડિરેક્ટર કૃતજ્ઞ રાઠોડ, ફર્સ્ટ એ.ડી. ફલ્પેશ આહીર, આર્ટ સાહિ વાઘાણી, માનવ રાઠોડ તથા ડ્રોન નવનીત ભલાલા, સ્ટીલ ફોટોગ્રાફી કુલદીપ મકવાણા માર્કેટિંગ રવિ શિયાની, કેમેરા ઓપરેટર પિયુષ ભુવા, શશી પટેલ પોસ્ટ પ્રોડક્શન ફિલ્મ પટારો, કોસ્ચ્યુમ ગોલ્ડન ધાગા તથા પીઆર દર્શન બુધરાની દ્વારા કરવામાં આવ્યું છે..
