વાત્સલ્ય સમાચાર આસીફ શેખ લુણાવાડા
મહિસાગર જિલ્લાના વિવિધ વિભાગોની કામગીરી સમિક્ષા બેઠક જિલ્લા પ્રભારી સચિવની અધ્યક્ષ સ્થાને યોજાઇ
મહિસાગર જિલ્લાના વિવિધ વિભાગોની કામગીરી અંગેની સમિક્ષા બેઠક જિલ્લા પ્રભારી સચિવશ્રીના અધ્યક્ષ સ્થાને અને જિલ્લા કલેક્ટરની ઉપસ્થિતિમાં જિલ્લા સેવાસદન સભાખંડમાં જિલ્લાના વિવિધ વિભાગોના અમલીકરણ અધિકારીઓ સાથે યોજાઇ હતી.
આ બેઠકમાં સચિવ અશ્વિનીકુમારે જિલ્લાના અમલીકરણ અધિકારીઓના પ્રોગ્રેસિવ રીપોર્ટની ચકાસણી કરી આવનાર સમયમાં જિલ્લાના વિકાસ માટે શું આયોજન છે તેમજ કેવા કેવા પગલા લેવા તે અંગે તેઓશ્રીએ જિલ્લાના અમલીકરણ અધિકારીઓ સાથે ચર્ચા વિચારણા કરી હતી.
સચિવએ સરકારની વિવિધ યોજનાઓ વિશે વાત કરતા તેનો જિલ્લામાં સારી રીતે અમલ કરી શકાય તે અંગે માર્ગદર્શન પુરું પાડ્યું હતું. વધુમાં તેઓએ કોરોનાની આવનારી કોઈ પણ પ્રકારની પરિસ્થિતીને પહોંચી વળવા જિલ્લા વહીવટી તંત્ર દ્રારા ઓક્સિજન, આઇ.સી.યુ બેડ, વગેરે અંગે કરેલી તૈયારીઓની સમીક્ષા કરતા જરુરી સુધારાઓ તથા સુચનો કર્યા હતા.
પ્રભારી સચિવએ જણાવ્યું હતુ કે, રાજય અને કેન્દ્ર સરકાર દ્રારા નાગરિકોની સુખાકારી માટે ચાલતી અનેક યોજનાઓનો લાભ છેવાડાના માનવીને મળી રહે તે જોવા તેમજ આ લાભો નિયમોનુસાર અને ત્વરીત આપવા જણાવ્યું હતું.
જિલ્લાના વિવિધ અધિકારીઓ દ્વારા પાવર પોઇન્ટ પ્રેઝન્ટેશન દ્વારા મહિસાગર જિલ્લા અંગેનો પ્રોગ્રેસીવ અહેવાલ રજૂ કરાયો. જેમા વિકાસશીલ તાલુકા જોગવાઈ અંતર્ગત બાકી કામગીરી, ,પ્રધાનમંત્રીશ્રી આવાસ યોજના, આઇસીડીએસ વિભાગ , આવાસ યોજના, મનરેગા યોજનાઓ વગેરે ક્ષેત્રે થયેલી કામગીરી વિસ્તૃત પુર્વક રજુ કરવામાં આવી.
