મતદાન જાગૃતિ અભિયાન અંતર્ગત કાલોલમાં વિશાળ બાઈક રેલીમાં શિક્ષકો સાથે સરકારી કર્મચારીઓ જોડાયા.
તારીખ ૧૨/૦૪/૨૦૨૪
સાજીદ વાઘેલા કાલોલ
લોકસભા સામાન્ય ચૂંટણી-૨૦૨૪નું મતદાન સમગ્ર ગુજરાત રાજ્યની સાથે કાલોલ તાલુકામાં પણ ત્રીજા તબક્કામાં આગામી મે મહિનાની ૭મી તારીખે યોજાનાર છે.ત્યારે સમગ્ર તાલુકામાં ચૂંટણીલક્ષી કામગીરી પૂરજોશમાં ચાલી રહી છે.જેના ભાગરૂપે કાલોલમાં મતદાન જાગૃત્તિ માટે બાઈક રેલી યોજાઈ હતી. જેમાં શાળાના શિક્ષકો અને વહીવટી તંત્રના અધિકારીઓ જોડાયા હતા.કાલોલ શહેરની મામલતદાર કચેરીથી આ રેલીએ પ્રસ્થાન કર્યું હતું જેમાં કાલોલ મામલતદાર વાય.જે.પુવાર,નાયબ જિલ્લા પ્રાથમિક શિક્ષણાધિકારી ડૉ.ડી.વી.ભમાત, તાલુકા પ્રાથમિક શિક્ષણાધિકારી ચેતનાબેન પરમાર,બીટ કેળવણી નિરીક્ષક ગૌરાંગ જોશી અને સુભાષભાઈ પટેલ દ્વારા બાઇક રેલીને ફ્લેગ ઓફ કરીને પ્રસ્થાન કરાવ્યું હતું જેમાં મતદાનની ટકાવારી વધારવાના ઉદ્દેશ્ય સાથે યોજવામાં આવેલી આ રેલીમાં જોડાયેલા તમામ વાહનો પર મતદાન જાગૃતિના પોસ્ટરો લાગેલા જોવા મળ્યા હતા.આ રેલી કાલોલ શહેરમાં મતદાન જાગૃતિનો સંદેશ ફેલાવતી જોવા મળી હતી. આ રેલીમાં પુરૂષો સાથે મહિલાઓ પણ મોટી સંખ્યામાં જોડાઇ હતી.
